Popular Bible Verses from Hageo 2

Share

Kanan sharkaykätsishqayki templuqa punta kaq templupitapis mas kuyaylapaqmi kanqa. Tsaymi kaycho lapayki jawkana kawapäkunkipaq. Noqa lapanta mandaq TAYTA DIOSMI tsayno nï> >>.

Tsaynölami lapan nacionkunatapis siksikyätsishaq. Tsayno ruraptïmi imayka riquëzankunatapis kay templuman apapäkamunqa. Tsaynöpami kay templucho imaykapis kuyaylapaq kaqkunawan junta kanqa. Noqa lapanta mandaq TAYTA DIOSMI tsayno nï.

<<TAYTA DIOSMI kayno nin: <¡Valurakuy, Zorobabel! Mandaq cüra Josué, ¡qampis valurakuy! Kay nacioncho taykaqkuna, ¡lapayki valurakäriy! Qamkunawan kaykaptïqa shakyätsinakur lapayki arupäkuy.

Unay ayluykikuna Egiptupita yarqamuptin imaypis yanapanäpaqmi paykunawan pactuta rurarqä. Tsaymi qamkunawanpis Espïritü kaykan. Qamkunawan kaykaptïqa ama mantsakäriytsu.