Hageo 2

Mushuq templu kuyaylapaq kananpaq kashqanta wilashqan

1Tsay watalachömi qanchis killa ishkay chunka juk (21) junaqcho#2.1 Calendariuntsichöqa tsay junaq karqan 17 de octubri wata 520 a. C. profëta Hageuta Tayta Dios kayno nirqan: 2<<Judápa gobernadornin Zorobabelta, mandaq cüra Josuéta y wakin runakunatapis kayno ninki:#Esd. 3.1-2. 3<Punta kaq templuta rikaqkuna musyapäkunmi kuyaylapaq kashqanta. Kananqa ¿imanötaq kaykan? ¿Manaku manakaqman churashqa kaykan?>#Esd. 3.12.

4<<Tayta Diosmi kayno nin: <¡Valurakuy, Zorobabel! Mandaq cüra Josué, ¡qampis valurakuy! Kay nacioncho taykaqkuna, ¡lapayki valurakäriy! Qamkunawan kaykaptïqa shakyätsinakur lapayki arupäkuy. 5Unay ayluykikuna Egiptupita yarqamuptin imaypis yanapanäpaqmi paykunawan pactuta rurarqä.#Éxo. 29.45-46. Tsaymi qamkunawanpis Espïritü kaykan. Qamkunawan kaykaptïqa ama mantsakäriytsu.

6<< <Ichiklanami pishiykan jana patsata, kay patsata y lamartapis siksikyätsinäpaq.#Heb. 12.26. 7Tsaynölami lapan nacionkunatapis siksikyätsishaq. Tsayno ruraptïmi imayka riquëzankunatapis kay templuman apapäkamunqa. Tsaynöpami kay templucho imaykapis kuyaylapaq kaqkunawan junta kanqa. Noqa lapanta mandaq Tayta Diosmi tsayno nï.

8<< <Noqapami qellaypis y qoripis kaykan. 9Kanan sharkaykätsishqayki templuqa punta kaq templupitapis mas kuyaylapaqmi kanqa. Tsaymi kaycho lapayki jawkana kawapäkunkipaq. Noqa lapanta mandaq Tayta Diosmi tsayno nï> >>.

10Ishkay wata rey Darío mandaq kaykaptinmi isqun killa ishkay chunka chusku (24) junaqcho#2.10 Calendariuntsichöqa tsay junaq karqan 18 de diciembri wata 520 a. C. profëta Hageo Tayta Diospa wilakuyninta kayno nir wilakurqan: 11<<Lapanta mandaq Tayta Dios kaynömi nin: <Leynïkunapita cürakunata tapur kayno ninki: 12<<Pipis sacrificiuta rupatsinanpaq sagrädu aytsata röpanwan pitushqa apaykaptin tsay röpanpa kuchun vïnuman o aceitiman o ima mikuymanpis töpaptinqa ¿tsay vïnu, aceiti o ima mikuypis sagrädutsuraq rikakunqa?>> > >>

Tsayno tapuptin cürakuna kayno nipäkurqan: <<Manami>>.

13Tsaymi Hageo yapay tapurqan kayno nir: <<Juk runa ayata yatashqanpita impüru kaykar#Núm. 19.11-13. mikuykunata yataptin ¿tsay mikuykunapis impürutsuraq kanqa?>>

Tapuptinmi cürakuna nirqan: <<Aw, impürunami kanqa>>.

14Tsaymi Hageo kayno nirqan: <<Tayta Diosmi kayno nin: <Tsaynömi kay runakunapis impüru karkaykan. Tsaymi lapan rurashqankuna y noqapaq apamushqankunapis impüru karkaykan.

15<< <Templüta manaraq sharkatsiyta qalaykur ima pasashushqaykitapis shumaq tantiyakäriy. 16Ishkay chunka (20) säcu mikuyta shuntanaykipaq mururpis cosëchachöqa chunka säculatami shuntapäkurqayki. Pitsqa chunka (50) barril vïnuta jorquyta yarparpis ishkay chunka (20) barrillatami jorqupäkurqayki. 17Usyawan, ranchawan y runtu tamyawanmi lapan murushqaykitapis ushakätsishqä. Tsayno ruraykaptïpis qamkunaqa manami templüta sharkatsishqankitsu.

18<< <Kanan kaykantsi isqun killa ishkay chunka chusku (24) junaqchömi. Kanan junaqmi templupa cimientunkunata altsayta qalaykärishqanki. 19Tsaymi kananpita bendicionnïta lapan arupäkushqaykiman churamushaq. Tsayno churamuptïmi pirwaykicho mikuynikikuna mana ushakanqatsu y üvayki, hïgusniki, granädayki y olïvusniki shumaq wayunqapaq> >>.

Zorobabelpita Tayta Dios nishqan

20Tsay junaqlami Hageuta Tayta Dios yapay kayno nirqan: 21<<Judápa gobernadornin Zorobabelta wilay jana patsata y kay patsatapis siksikyätsinäpaq kashqanta. 22Reykunatami manakaqman churashaq. Munayniyuq nacionkunatapis vincishqa kananpaqmi kamakätsishaq. Guërra carrëtankunatapis manijaqnintintami kuchpatsishaq. Cawallun muntashqa aywaqkunatapis kikinpura wanutsinakunanpaqmi kamakätsishaq. 23Salatielpa tsurin sirvimaqnï Zorobabel, tsay junaqmi sëllakunä sortëjäno kanaykipaq churashayki.#2.23 Sortëjäno kanaykipaq churashayki nishqanqa noqapa jutïchömi mandanki ninanmi. Tsayno kanaykipaqmi qamta akrashqä. Noqa lapanta mandaq Tayta Diosmi tsayno nï>>.

Currently Selected:

Hageo 2: qvmB

Highlight

Copy

Compare