Popular Bible Verses from GA SHAGAWP 17

Share

Jinghku wa gaw tutnawng tsawra nga nna, Ruyak hkrum ai nhtoi a matu, kahpu kanau tai nga ai.

Kabu gara ai myit hkam kaja ai tsi rai nga ai; Gawng run ai chyawm gaw, nrut n ra ni hpe jahkraw kau nga ai.

Masha wa mara hpe magap da ai wa gaw, tsawra galaw nu ai; Tsun shabrawng dat ai wa chyawm gaw, jinghku ni hpe shabra kau nu ai.

Chye chyang ai myit rawng ai wa gaw, ga law law n tsun nga ai; Nyan rawng ai wa gaw myit shingdi nga ai.

Myit n su ai wa pyi, atsin sha nga yang, hpaji rawng ai, Tinang n-gup n hpaw yang, nyan rawng ai, zawn nawn ma ai.

Ngwipyaw ai hte muk jahkraw n-gup mi sha lu ai gaw, Nta ting hpring nga ai poi hkungga hpe gasat gala hte sha lu ai hta, grau kaja nga ai.

Ga law ai npawt gaw, hka shalen dat ai hte bung ai majaw, Garai n ga law yang, htailai ai lam koi kau u.

Tara n lang ai wa hpe mara shalawt dat ai wa hte, Dinghpring ai wa hpe mara shagun ai yan hpe, Yehowa maren matsat nga ai.