Popular Bible Verses from GA SHAGAWP 16

Share

Na a amu bungli Yehowa hpe ap da u; Shing rai yang, nang myit ai hku grin wa na ra ai.

Masha gaw tinang sa wa ai lam myit yu timung, Yehowa gaw shi a lagaw hpe htawt shangun wu ai.

Ngwi ai ga gaw, gat baw zawn rai nga nna, Myit matu dwi ai, hkumhkrang a matu hkam kaja ai lam rai nga ai.

Myit masin hpaji daw ai gaw, masha hte seng nga ai; Shinglet hte htan ai ga chyawm gaw, Yehowa kaw na rai nga ai.

Myit galu ai wa gaw n-gun ja ai wa hta, Tinang myit hkang chye ai wa gaw, mare hpe gasat la ai wa hta, grau kaja nga ai.

Gumrawng gumtawng ai gaw, hten byak ai a shawng e, Myit kaba ai gaw, kadawng mat ai a shawng e, rai nga ai.

Masha a man e tinang lam yawng san pra nga ai; Yehowa chyawm gaw wenyi hpe shen yu nga ai.

Mungga hpe hkan shatup ai wa gaw, awng wa na ra ai; Yehowa hta shamyet shanat ai wa gaw, a lu nga ai.

Dinghpring ai hte loi mi sha lu ai gaw, N tara ai hte law law lu la ai hta, grau mai nga ai.

Masha myit ai hte maren, tinang lam malang nga timung, De a jahtum gaw, si ai kaw byawn rai nga ai.

Myit magaw ai wa gaw ga law ga la gat hkai nga ai; shi kahte tsun ai wa gaw, jinghku jing-yu ni hpe shabra kau nga ai.