Popular Bible Verses from PROVERBIOS 17

Share

Ali cumbaguca paipaj cumbataca, tucui causaipimi juyajun. Llaqui punllacuna japijpipash, quiquin huauquitashnami llaquin.

Cushilla shunguhuan causanaca, cuerpopajpash ali jambigumi. Ashtahuangarin llaquilla shunguhuan causashpaca, tullucamanmi chaquichijun.

Ima nalita rurajpipash, quilpanshna cungaj runaca, ali tucunatami mascan. Ashtahuangarin pimambash parlashpa purij runaca, paipaj cumbatapash caruyachinmi.

Ashagutalla parlaj runaca, alipacha yachajushcami. Ali yuyaita charij runaca, aliguta yarichij espiritutami charin.

Uyashpalla tiajujpica, shinlli shungu runatapash alipacha yachajushcami yanllami. Ali yuyaita charij runaca, na shimi cacharishcachu.

Huasipi micunacuna ashtaca tiajpipash, fiñanajushpa rimarishpalla causangapaj randica, ashalla micunaguta micushpa casilla aliguta causanami ashtahuan ali.

Fiñanajuita callarichij runaca, jatun yacuta cacharinshnami. Narapash fiñanajushpa rimari callarijpillata anchuringuilla.

Diosta na manllaj runatara, imatapash cashcatapacha rurashcatashna ricuj runatapash, imatapash cashcatapacha ruraj runatara llaquichij runatapash, ishcanditallatami Mandaj Diosca millanayachin.