Popular Bible Verses from PROVERBIOS 16

Share

Can imatalla ruranatapash, Mandaj Diospaj maquipi mingangui. Chashnami, can imata yarijushcapash ali llujshinga.

Imatalla ruranataca, gentecunami shungupi yarinajun. Shina cajpipash Mandaj Diosmi, paicunapaj ñandaca alichijun.

Juyailla rimashcacunaca, balun mishquishnami. Almatapash cushichinmi, tullucunapajpash jambimi.

Imatalla ruranataca, gentecunami shungupi yarinajun. Shina cajpipash, Mandaj Diosmi imata rimachumbash mandajun.

Ninan shinlli runapaj randica, na ñapash fiñarij runami ashtahuan ali. Paipaj munaita jarcarij runaca, shuj pueblota japij runatapash ashtahuan yali alimi.

Nara llaqui japijpillami, jariyashpa causanajun. Nara urmashpallami, yuyaipi jariyashpa causanajun.

Runaca, paipaj tucui causaipi imata rurashpapash, aligutallami rurajuni yajunmi. Ashtahuangarin Mandaj Diosmi yuyaicunataca, pezanshna ricujun.

Yachachishca shimicunata ali yachajushca runami, alita taringa. Mandaj Diosta yariashpa causaj runaca, ninandami cushijun.

Ashtahuangarin imatapash cashcatapacha na rurashpata, imatapash ashtacata charingapaj randica, imatapash cashcatapacha rurashpa ashagutalla japinami ashtahuan ali.

Runapaj causaipica, ali ñanshnallami ricurin. Ashtahuangarin tucurimuipica, huañuiman apaj ñanmi.

Jatun nalita ruraj runaca, fiñanajuitami callarichin. Imatapash parlajlla runaca, ali cumbacunatapash shicanyachinllami.