Popular Bible Verses from JEREMÍAS 2

Share

Ñuca agllashcacunaca, ishcai jatun nalitami ruranajurca: Pundaca, causaita cuj yacu llujshijuj pugyushnalla, ñucatami jichuhuarca. Chai jipaca, yacupash na tandanajunalla, chijtarishca utujucunatami, yacu tandanajuchun allanajurca.

Cangunapaj juchallatami llaquichinga. Ñucata na cazushca juchallatami, cangunataca ninanda llaquichinga. Aliguta yarishpa ricuichi. Cangunata Mandaj Taita Dios ñucamanda anchurinaca, ñucata na manllanaca, jatun llaquimari. Chaitapash, tucuita Mandaj Jatun Dios ñucallatami, chashna nini.

Shuj llactapi causajcunaca, paicuna rurashca dioscunata, na dios cajpipash, ¿chai dioscunata saquishpa, shuj dioscunatara catinajujta ricushcanguichichu? Ashtahuangarin ñuca agllashcacunaca, paicunata juyaillata ruraj Diosta saquishpami, imatapash na ayudaj dioscunapajman tigranajurca.