Popular Bible Verses from JEREMÍAS 3

Share

Chaipi cangunata michinajuchunga, ñuca shungu munashcashna michijcunatami churasha. Paicunami ali yuyaihuan, ali yachaihuan michinajunga” ninmi.

Na cazuj huahuacuna, ñucapajman tigrarimuichiyari. Canguna tigrarimujpica, canguna na cazushpa, nalita rurashcataca alichishallami” ninmi. Shina nijpimi, cashna ninajurca: “Ricui, canga ñucanchita Mandaj Taita Diosmi cangui. Chaimandami cunanga, cambajman tigramupanchi.

Shina cashcamanda, jahua lado llactaman ricushpa, cai shimicunata caparishpa villagri: Mandaj Diosca, cashnami nin: ‘Na cazuj israelcuna, ñucapajman tigrarimuichi. Ñucaca, na ashtahuan fiñarishpa llaquichishachu. Ñucaca, llaquijmari cani, na causaita causaicaman fiñashachu’ ninmi Mandaj Diosca.

Mandaj Diosca, cashnatapashmi nin: ‘Canda Mandaj Taita Dios ñucatami, yachashpata na cazuhuarcangui. Chai nalita rurashcata yarishpa llaquiriyari. Fanga junda tucui yura ucucunapimi, na rijsishcacunahuan huainayarcangui. Ñuca cayajujpica, napacha uyahuarcanguichu’ ninmi” nihuarcami. Mandaj Diosca, cashnatapashmi nin: “Na cazuj huahuacuna, ñucapajman tigrarimuichiyari. Ñucami, cangunapaj cusa cani. Ñucaca, cangunataca tucui pueblomanda shujguta, tucui familiamanda ishcaita japishpami, Sion shuti pueblopi causanajuchun churasha.