Popular Bible Verses from JEREMÍAS 14

Share

¿Shuj llactapi causajcunapaj yanga dios puracunapica, pipash tamiachi ushanllu imashi? ¿Jahua pachapash, tamiataca caramui ushangachu? ¿Nachu canga, ñucanchita Mandaj Taita Dios cangui? Cai tucui imalla tiajcunataca, canmi rurarcangui. Shinamandami candalla shuyanajunchi.

Mandaj Dioslla, ñucanchi juchacunallatami ñucanchi nali cajtaca ricuchijun. Shina cajpipash cambaj shutita juyaimandalla quishpichihuayari. Ñucanchi na cazushpa juchata rurashcacunaca, ashtahuanmi mirarca. Canda fiñashpami, juchatalla rurashcanchi.

Mandaj Dioslla, ñucanchipash, ñucanchi taitacunapash, canda na manllashpa jatun nalita rurashcamandaca, ninandami llaquiripanchi. Canda fiñashpami, juchata rurapashcanchi. Cambaj shutita juyaimanda, ñucanchitaca ama jichuichu. Can mandashpa tiajuj, punchapamba tiarinatapash ama nalicachipaichu. Ñucanchihuan ari ninajushcatapash yaripairi. Chaitaca, ama yangapi churapaichu.