Popular Bible Verses from JEREMÍAS 13

Share

¿Etiopía shuti llactamanda yana runaca, yurajyai ushangachu? ¿Leopardo animalpash, muru cara cashcamanda shujman tigrai ushangachu? Chashnallatami cangunapash, nalita rurashpa yacharishca cashcamandaca alita ruraitaca, napacha ushanguichi.

Cangunaca, nara yana yana tutata rurajpillata, cangunapaj chaquipash nara yana yana urcucunapi nitijashpallata, cangunata Mandaj Taita Diostaca, punchapambagumi cangui nichiyari. Cangunaca, punchapamba michatami shuyanajunguichi. Chaita ruranapaj randica, huañui japinalla yana yana tutapimi churanga.

Cai nali gentecunaca, ñuca yachachishca shimicunata na uyangapaj munanllu. Paicunapaj shungu yarishcatallami rurashpa causanajun. Shuj dioscunata servishpa, paicunapaj ñaupajpi cunguringapajllami catinajun. Chaimandami, cai ismushca chumbishna, imapajpash na valij tucunga.

Na jariyashpa, aligutapacha uyaichiyari. Mandaj Diosmi, cangunataca rimajun.