Popular Bible Verses from Kada to Keaka' 4

Share

Jagai manappai penabammu la'bi puha ia anna la ingganna aka-aka senga', aka eta naongei buttu katuboam.

Pikki' manappai yolo indo to la ullingkai, anna pomanontom liui pentekkamu.

Pasitäntänganni kalemu pudu' pandem lila manähä, pasikambelai kalemu tula' kapendo-pendo.

Handam too'na kakeakasam. Dadi pameäi kakeakasam. Handam pahallu pikkiham. Dadi pameäi pikkiham.

Sapo' lalanna to meada' sihhapam bihha'na allo, tuttuam masäe tuttuam masiä' sampe malepom kalibajo. Lalanna to tameada' sihhapam bengi mapättä; tanaissam tanapeamo' aka nasuhum titedo.

Daa untampeam kakeakasam, anna mala nakambi'ko; kaha'i anna malako najagai.

Antii manda' tobei matoto' pepanännä', daa ullappa'i, kambi'i umpaliaha, aka ia umbeengko katuboam.

Daa muola lalanna to tameada', anna daa untuhu'i lalanna to kadake gau'.

O inggammua' änä', pehingngii pepanännä'na ambemu, paillaam penabai anna malako ullolongam pikkiham mapia.