Popular Bible Verses from Kada to Keaka' 3

Share

Mahannuko längäm DEBATA sola sakalebu penabammu, anna daa uhhannuam pikkiham kalemu. Paihandannai DEBATA illaam ingganna pa'palakoammu, anna mala nahampasangko lalam la muolanna.

Daa umpa'tokeaka'-aka', pengkahea'ko längäm DEBATA anna pasikambelai kalemu kakadakeam

Pakei kullemu umpuji umpa'kasallei DEBATA, babai uhuna bua pengkähämu dio oloNa, anna mala dipallapi'i ingganna lokomu, anna lempam pole pa'pongngeam anggurmu.

Daa umpasilappa' kalemu pangkaha' pa'kamase anna kamanontongam! La umpelluä illaam bahokomu sihhapam mani', anna la umpatianna illaam unä' penabammu.

O änä'ku, daa umpa'bahinni'i pepanännä'Na DEBATA, daa umpasuhhä' buamu ke natappakadaiko. Aka DEBATA untappakadai to nakaha'i anna nakamasei, umba susi mesa ambe untappakadai änä' pa'pakamajanna.

O änä'ku, daa ungkalembei pepatuduangku, sapo' la umpaillaam penabako pahentaku, anna malako ma'tammu ubam ma'lullum buha-buha, anna ussi'dim kamalinoam sola kamasannangam illaam salukatuboammu.

Maupa' anna katambasam to ullambi' kakeakasam, anna to ullolongam kamanähängam, aka keguna puha ia muampuam kakeakasam anna la muampuam peha', la'bi puha ia anna la bulabam, keangga' puha ia anna la batu permata. Ingganna aka-aka umpohäena tä' deem la umpapadai kakeakasam.

Daa umpomabanda' penabammu umpogau' kamapiaam lako to la sipäto' untahimai, ke mala mammi umpogau'.

Kakeakasam napake DEBATA umballa' lino, anna kapaissangam napake ungkumbä langi'