Popular Bible Verses from Kada to Keaka' 12

Share

Kamalallangam penaba umpalussem buku, sapo' tula' mapia umpasule sumanga' umpaende pahaja.

Menna-menna umpohäe pepanännä', umpohäe ia kapaissangam, sapo' menna-menna nakabassi ke ditappakadai, takepikkiham ia.

To ussassa' tula' mebuno talemba' pessubungam pudu'na, sapo' tula'na ia to keaka' mendadi tamba' anna pamole.

Ulalanna to maho kalebu nasangam ia duka' malolo, sapo' to keaka' ia umpehingngii petundam pepakilalaam.

To maho kalebu ia madellä' aha'na, sapo' to keaka' ia tä' umpaalai penaba pantelle.

Baine hatta' sihhapam danga-danga tubo yabo ulunna muanena, sapo' baine mepakasihi' sihhapam ia saki kahha' umpasikatekä' bukunna muanena.

Lila dibungkeko' nakabassi ia DEBATA, sapo' to manontom tula'na napohäe ia DEBATA.

To meada' umpatuhoi lalam malolo solana, sapo' pa'ulalanna ia to tameada' umbaba bulim kalena.

Tula' malolo messubum dio pudu' dikannangam liu, sapo' tula' napassubum lila dibungkeko' sappälli' anna kaleängammi.