Popular Bible Verses from Kada to Keaka' 11

Share

Menna-menna bassa' ma'pebeem, la dipatitolloam pa'tamba', menna-menna si mampamoloi, la dipamoloi duka'.

Deem tau matutu ma'pebeem, sapo' tuttuam tomakaka mandi, deem tau madi'dim kadake, sapo' tuttuam mase-mase mandi.

To malangka' penaba ia la kasihisam, sapo' kakeakasam illaam ia kalena to mahempo penaba.

Ianaanna tä'i deem pepungngu'na hupatau, titale bangke' pa'bottoam, sapo' ianaanna budai to ma'pakilala, kende' ia kamalinoam.

Bua pa'palakoanna to meada' sihhapam kaju dipotubo buana; menna-menna keaka' nabulu' to tando sau' nabulu' to tando dekke.

To ma'kada bu'busam, tambu' lendom ia, sapo' to mala dikatappa'i, deem ia pangngannaam pakunna.

Lako to mapia penaba untendanniam kamapiaam kalena, sapo' lako to palampi ungkabia' ia kalena.

Menna-menna uhhannuam kullena la mehonno', sapo' to meada' ia la tubo mapia sihhapam tanangam kendaum händä.

Tä'um deem gunana kulle ke lambi'um allona umpasule aha'Na Puang Allataala, sapo' kamaloloam ullangnga'i hupatau dio mai kamateam.

To malolo penaba napatette kamahändängam penabanna, sapo' to ma'dua tambu' la napa'deam kamanekoanna.

Umba susi antim-antim bulabam dio kalasubä babi, susi tappa'um too baine mapia sapo' hagi gau'.

Timbangam dikanähäi nakabassi DEBATA, sapo' timbangam iannapi anna ia napohäe Ia.