Popular Bible Verses from Ka Rome 6

Share

Kwa nza ŋkɛ mte ya kafəli nya mbe jaɗafa, ama wəsə nya ve nda Shala gəmə ke mbelia ŋkɛ ne, gheŋkɛ mpi nya kaghala ghala mbe nza jikə le Yɛsə Kriste Nde sleke ɓəmə.

Ma tsagha ne, mba jaɗafa kasleke ŋayɛ, va nya ɗema wəsə mahalegəa Shala kasleke ŋayɛ we, ama zlaɓa ta Shala nde sleke ŋayɛ.

Laka batɛme ne, nahe gheɓəmə kelamte geva le Yɛsə nya kemtenyɛ, kezha mpə ɓəmə le, kezha nza gheɓəmə kambeli mɛnɛfɛ kala Kriste nya kesame kwa kwele laka berete ta Yita.

Zhɛnema yɛ kazhɛre kweci bela ta geva ta ŋayɛ kawəshi kemene jaɗafa kezha mene wəsə kwa ndiremi hɛ ma. Ama menete nda mə slene ke Shala le geva ta ŋayɛ pɛtɛ, kala mbeli nyi kesamenji kwa kwele nyi kenza le mpi.

Fa ɓəmə ghena shɛ ndeɗekə, nahe meha wəndə nya mbe gheɓəmə kemte le Yɛsə te sheghwə kezha zamte sebe te jaɗafa ta ɓəmə. Tsagha ne, mba gheɓəmə kaka mavashia jaɗafa zhɛkwa we.

Tsagha yɛ perə, ve mə ghəa ŋayɛ kaka mpə mpə laka jaɗafa, ama kambeli nyi teghweme kezha Shala laka Yɛsə Kriste.

Wa ke gheɓəmə sha geze wa? Nza ɓəmə gheɓəmə mbe jaɗafa kezha mtsehe geva zlaɓa ta Shala kwele kwele na? Tsagha we. Ma kwa nza ŋkɛ kambeli nyi kempə mpə gheɓəmə laka jaɗafa ne, tsema nza gheɓəmə mbe jaɗafa zhɛkwa wa?

Keɗepe yɛ wəka? Ma kendeke nda ghəa ŋayɛ yɛ ke kwete wəndə kala mava ta ŋkɛ ne, wəsə nya ɗe ŋkɛ yamene yɛ, keɗema slene ta jaɗafa nyi kekele wəndə kalə sha mte, keɗema hawe va Shala nya keve wəndə tiɗiɗi.

Hana ke gheɓəmə sha Shala. Kaka mavashia jaɗafa se yɛ vəashi, ama tsetsenya ne, nahe yɛ keyɛte fete le wənə kwetɛŋe yitea ghena nya tekete ka ghwene ta Yɛsə Kriste nya kelete yɛ. Ma kwa mbelemte geva yɛ va jaɗafa ne, nahe yɛ kezhɛre ŋayɛ kaka mavashia nza tiɗiɗi.