Popular Bible Verses from Ka Rome 5

Share

Ama wa nya wəsə nya kencɛte ɓəmə ɗe ta Shala kaŋa ɓəmə nya: ma vəa ŋkwa nya nza gheɓəmə kaka jaɗafa ne, nahe Kriste kemte kezha gheɓəmə.

Kaghwete ŋkwa ve ghəa shɛ we, kwa nza ŋkɛ nahe Shala keveyi ɗe ta ŋkɛ kwa wənəa ɓəmə laka Sefəa ŋkɛ nya ndeke ɓəmə ŋkɛ.

Ma nya za ma ke nyagha ɓiyitsa ne, kamene fege gheɓəmə te yaka nya sa gheɓəmə, kwa nza ŋkɛ nahe gheɓəmə keɗepe yaka shɛ nde teke ɓəmə zereghe ghena. Zereghe ghena nde ve nda berete ke wəndə kanza dɛŋe dɛŋe mbe yaka. Kave nda ve ghə nza dɛŋe dɛŋe ke wəndə.

Ma tsagha ne, nahe gheɓəmə kenza kambeli nyi tiɗiɗi kwa kema ta Shala laka yɛ. Tsetsenya ne, kwelɛŋe gheɓəmə le Shala laka Nde sleke ɓəmə Yɛsə Kriste. Laka Yɛsə ne, wərə gheɓəmə kahendave nda geva ke zlaɓa ta Shala nya nza gheɓəmə mbe tsetsenya. Ma wəsə nya keve ɓəmə zlama ne, ghə nya vate gheɓəmə te kemave zləvəa Shala.

Kwa nza ŋkɛ ma vəa ŋkwa nya se gheɓəmə kaka dewə ŋeli ne, nahe Kriste kemte kezha ka jaɗafa te və nya tarete Shala.

Tsetsenya ne, nahe ŋkɛ keveyi ɓəmə kambeli nyi tiɗiɗi kwa kema ta Shala laka mte ta ŋkɛ. Ma nya za ma ke nya ɓiyitsa ne, laka gheŋkɛ tenza gheɓəmə pələsə va hwepe wənəa Shala.

Kala nya zhɛrete mbeli kwele kwele fama ghena ta wəndə kwetɛŋe kaka jaɗafa ne, tsagha zhɛrete mbeli kwele kwele fa ghena ta wəndə kwetɛŋe kambeli nyi tiɗiɗi.

Ɓiyitsa ne, kazlama gheɓəmə le Shala laka Nde sleke ɓəmə Yɛsə Kriste nya tseɓate geva gheɓəmə le Shala.