Popular Bible Verses from Raom 3

Share

Ham sab paap kara hei aur Parmeshwar ke mahima se duur hoy gaya. Lekin fir bhi Parmeshwar hamme weise maane hei jiske hakdaar ham nai hei, aur Yeeshu Krisṭ ke dwaara hamme apnaay hei aur hamaar paap se chhuṭkaara dewaay hei.

Parmeshwar sab ke ekke rakam dekhe hei. U sab ke apnaay hei kaahe ki ulog Prabhu Yeeshu Krisṭ pe biswaas kare hei.

Parmeshwar, Krisṭ ke bhejis ki jisse u hamaar khaatir balidaan hoy. Yeeshu Maseeh aapan khuun hamme bheñṭ karis ki jisse biswaas se ham Parmeshwar ke lage aay saki. Parmeshwar i sab i kaaran karis ki u ham sab ke dekhaay sake ki hardam se u ham paapi log ke maafi dees aur hamaar sañghe dheeraj rakkhis. Aur i bhi dekhaay hei ki Parmeshwar raaiṭ hei jab u Yeeshu ke biswaasi log ke apnaay hei.

Parmeshwar yahi kaaran sab ke nai apnaay hei ki u khali kaanuun ke paalan kare hei. Nai, bilkul nai! Kaanuun eise kare hei ki hamaar paap ke hamme janwaay de hei.

Vachan hamme bataay hei, “Koi bhi dharmi nai hei, Usman se ek bhi nai samjhe hei aur naa to Parmeshwar ke khoje hei. U sab Parmeshwar se duur chala gain hei aur u sab ke koi daam nai hei. koi ek bhi nai hei jon raaiṭ kaam kare hei.

Ham i dekhta hei ki ulog ke Parmeshwar apnaay hei kaahe ki ulog uspe biswaas kare hei, i kaaran nai ki ulog kaanuun ke maane hei.

Nai! I nai hoy sake hei! Parmeshwar sachche bole hei, aur baaki sab log jhuuṭa hei. Parmeshwar ke baare meñ vachan bole hei, “Tumhaar sab baat ke sachche maana jaai, aur koṭ meñ tum jeet jaayga.”