Popular Bible Verses from Raom 4

Share

Lekin Abraham kabhi nai Parmeshwar se sawaal karis ya uske biswaas ṭuuṭis. Uske biswaas uske aur majbuut banaais, aur u i biswaas ke mahima Parmeshwar ke dees. Abraham ke biswaas raha ki Parmeshwar jon waada kare hei, uske puura kare hei.

Jeise vachan meñ likhaan hei ki Abraham bahut jaati ke Pita bani. I promis Abraham se kara gais raha, kaahe ki u biswaas rakkhat raha, u Parmeshwar se, jon nawa cheej banaay hei aur jon mar jaay hei uske jinda kar de hei.

Parmeshwar hamme Yeeshu Maseeh dees raha ki jisse u hamaar waaste mare sake, aur u uske jeewan dees, ki jisse Parmeshwar ham sab ke apnaay sake.

Parmeshwar waada karis raha ki Abraham ke bahut se waaris hoi. Jab Abraham bahut niraas raha, fir bhi u Parmeshwar pe biswaas rakkhat raha yahi khaatir u bahut se jaati ke Pita banis.

Sab cheej wahi biswaas pe ruka hei, ki jisse Parmeshwar ke waada uske daya se jaruur mili. I waada khali Abraham ke waaris jiske lage kaanuun hei uske khaatir khali nai hei. I to u sab ke khaatir hei jon Abraham ke waaris hei, kaahe ki ulog ke paas wahi rakam biswaas hei aur Abraham ham sab ke baap hei.

“Parmeshwar u sab ke aasheesh de hei jiske paap maaf hoy jaay hei aur jiske kharaab kaam bhulaay dewa jaay hei. Parmeshwar ulog ke aasheesh de hei jiske paap uske buk se miṭ jaay hei.”

Vachan bole hei, “Parmeshwar Abraham ke apnaais kaahe ke uske Parmeshwar pe biswaas karis raha.”