Popular Bible Verses from Joel 2

Share

Ọmoogh-we phọ ạḅem mọ, “Nyịidipho, ikiton rꞌoomo ologhi eḅula esi ạmi ẹḅaram ọkaagh ẹḍogh rꞌemoghi, rꞌọto.

“Ruukuna phọ, Uwaloor phọ ạmi kasoorom oomo awe: ạnmuny anyina rꞌạnmanyaan anyina kọkaaph ni ịpe mị agananami bọ; ikumoor awe anyina kọmalha ni rạmalha kụ ugheel ạnmuny anyina kọmiin ni uḍien.

Iḍighi ịdi ologhi phọ anyina maḅonyonu bọ kaḍeenaan dọl ọto anyina; ọphanyi iinmenan anyina bịn ị́kasian.” Iḅula esi Ọmoogh-we Ẹnaan phọ anyina. Ọdi ạmoogh igbiririph kụ ạḅaram ọnma ighirigiir; Ọdi rạkparam ghan kụ kaḍighi ịlo aguanaan; Ọdi odi ghan ọsar ọwilenaan bịn ọ́lhiom.

Kụ ọlo oomo ạbulo ọmagh ḍien Ọmoogh-we phọ kọmoogh ni pẹleeny. Ịdipho Ọmoogh-we phọ mạḅem bọ, ‘Buniin dị odi Jeruselem kokpetenaan ni; Bụphe mị ạsaḅar bọ kosugha ni.’”

Erumuḍio phọ kekitonu ni eḍighi ufiri, kụ ụnwanyu phọ ạtogh ịdipho ịḅaal, kụ egbi ọteeny aḍio phọ Ọmoogh-we phọ katu bọ, ḍiboom mọ aḍio phọ ạḍiphe keḍighan bọ ni elegh.