Popular Bible Verses from Bụo ạKolosi 3

Share

Ịminoghom ghan ẹsar ghan ẹwilenaan ịkaraph lọ awe iḍighi inyina. Ịsar ghan ẹwilenaan bụnon, ịdipho Ọmoogh-we phọ mạsar bọ ịwilenaan inyina.

Iseere iloghi phọ anyina esi ạraraar phọ ịpe edi bọ kꞌạke, ẹwile ọotughian ghan ịlo ịsien ade phọ.

Iseere ghan iloghi anyina esi ạtorobo ịyaar lọ nyina reḍighi. Nyina reḍighinaan Ọmoogh-we phọ, nyina réḍighinaan we bịn.

Nyina kụ awe phọ Ẹnaan. Ọdi ạtuan ẹphomoghian kụ ịsaḅar bọ inyina aḍighi bụo ọdi. Kụ esi ịduon phọ, ịmoogh ẹzo igbiririph rꞌọkparam, rꞌọnma ghan ighirigiir rꞌosooromi ghan aloor rꞌọlogh ghan awe eegu.

Ọghaaph phọ aKraist ạrol li sịphe iloghi phọ anyina, ịngoom inyina ẹeḍiom rꞌolegheri ịyaar! Oniin ạsighe ghan olegheri ịyaar ạtughemiom, aromoghiom ghan nyoniin! Ịmoor ghan sụor aruukuan eboomiom Ẹnaan. Iloghi phọ anyina ẹngo ghan ḍịseph Ẹnaan oomo amem! Kụ tọrobo ịyaar lọ nyina reḍighi, ḅịle mọ ịlo nyina rẹkaaph, ikol ghan ni ḍien phọ ạJizos Ọmoogh-we phọ kụ eḍighi, loor esi dị ọdi kụ rạsighe ghan bọ ḍịseph lọ nyina ẹngo kạghiom Ẹnaan Ọde phọ.

Ịdi epu oomo phọ ịphen, oniin ạphomoghian nyoniin! Ẹphomoghian kụ reekpomoghi ghan kẹngo oomo ạraraar ọḅoph ọnhu dị amunughan.

Ịduon mịḅophoghiom bọ inyina rꞌaKraist oḅerion sịphe aḍuugh phọ, ịwa ghan ọmoogh ạraraar phọ ịpe edi bọ kꞌạke. Ẹpe kụ ẹdi aKraist odi bọ kụ ạtolom ạgada ọdaam mọ ḍịghaagh elhiom Ẹnaan.

Ẹepho phọ ẹpe aKraist kụ eḍighi oye ịigbarion sịphe iloghi phọ anyina! Ẹnaan mịmagh inyina eekpomoghi eḍighi oniin oye ọghelom ẹepho phọ ẹphen. Kụ ịngo ghan ni ḍịseph.

Esi ịphen phọ, ịpueghi, eroḅologhi ịkaraph ạruuphua aḅirini phọ, olhe ẹmha, iloghi ẹenir, ipesi, ẹsighenom mọ ịpe phọ memuughu. Ephogh-aḍien kẹ́moogh, ịdi eḍighi bọ nyina ẹseph ẹlo ọnon ẹsighenom, pọ nyina mẹsighe eghuan phọ Ẹnaan rẹngo ịkaaghineen ạraraar.

Nyina memuughu ni, kụ aKraist aako ni ghuḍum mọ anyina aseere sịphe Ẹnaan edi bọ.

Kụ nyịidipho, ikel oomo ạraraar phọ ịphen — ophin ologhi, ịkaraph ạruuphua, ologhi ẹḍim. Ọghaaph ọphuenom aḍien oye rꞌọghaaph ipesi kẹ́kaaph ghan.

Oniin nyoniin ọkpe kụ́gbaam ghan, ịdi eḍighi bọ nyina mẹkporonaan igbaany ịkaraph ạruuphua rꞌạroozo phọ anyina eseere, kụ mẹsighe igey imoom ạroozo ẹkpologhian. Ẹnaan phọ ịngo bọ inyina igey imoom ạroozo phọ kiḍeenaan ghan ni inyina rọozo phọ ọdi oomo amem, ọbo nyina ẹmoogh kumoom ghuḍum dị ạghighom kụphe ọdi.

Burulhom, ịpomoghian nmạriir anyina, kémooghaam ghan bịdi.

Nmụny, ịnaghanan ghan bụrude rꞌaburunhiin phọ anyina esi oomo ạraraar; ịphen kụ ịḅeeraan Ọmoogh-we phọ.

Nmạriir ilom, isooromi ghan loor esi aburulhom mọ anyina. Ịphen kụ ịkpianaan bụphe rọdaph bọ ịgbaranuom aruwol Ọmoogh-we phọ.