Popular Bible Verses from ROMANOS 7

Share

Pimanchus Jesucristo Tatanchisniqta yuspärayta quni chay Diosllam qhispichiwanqa. Ajina kaqtinqa: Nuqaqa Diospaq kamachiyninmanmi jap'ichikupunayqa, chaywampas pisi kallpa kayniypiqa juchapaq kamachiyninman jap'ichisqam kachkani.

Imaraykuchus nuqapaq pisi kallpa kasqaypiqa manam allin ruwayqa kachkanchu; allin ruwayta munakuchkani chhikapas chay ruwanapaqqa manam kallpayqa kachkanchu.

Allin ruway munasqaytaqa manam ruwanichu, manachayqa mana munasqay mana allinkunallatam ruwani.

Kunanqa, mana munasqaytachus ruwani chhikaqa, manam nuqañachu kani pichus chayta ruwachkan chayqa, manachayqa nuqapi kachkan chay jucham ruwan.

Allin kaq ruwayta munachkaqtiypas, mana allinkaq nuqa qayllapi kasqanmantam riparakuni. Sunquy ukhupiqa Diospaq kamachiynintaqa anchatapunim munakuni

Chaywampas imatachus mana munachkani chayta ruwani chhikaqa, chaywanqa kamachiypaq allin kasqantam jap'iqani.