Popular Bible Verses from ROMANOS 6

Share

Juchapaq quyninqa wañuymi, chaywampas Diospaq quyninkaqqa Cristo Jesuspi mayqinchus nuqanchispaq Tatanchisman ujchakusqanchisrayku wiñay kawsay jap'iqananchismi.

Ajinamantam juchaqa manaña qankunajawapi atiyniyuqchu kapunqa, imaraykuchus manam kamachiyman jap'ichisqachu kachkankichis, manachayqa Diospaq munakuyninman jap'ichisqam kankichis.

Imaraykuchus bawtismuniqtam Cristowan kuska p'amp'aykusqa kapurqanchis, jinaspataq wañusqamanta kawsarichisqa kanapaq wañurqanchis, uj musuq kawsayta kawsakunanchispaq, imaynatachus Cristoqa Apu Tatapaq athunchasqa atiyninwan wañusqamanta kawsarichisqa karqan ajinata.

Ama aychaykichista mana allinkuna ruwanapaq juchaman qupuychischu. Wañuq runakuna kawsarimuqjina Dioskaqman aychaykichista paypaq ñawpaqimpi imachus chiqan allinkuna ruwanapaq jap'ichikupuychis.

Yachanchismi ñawpaq juchanchiskunaqa Cristowan kuska chakataykusqa kapusqantaqa, ajinamanta jucharara runakuna kasqanchis t'unarqusqa kapunampaq, ajinamanta amaña juchapaq jaywaqnin kapunanchispaq.

Ajinallatataq qankunaqa juchapaqqa wañusqajina kapuychis, chaywampas Dioskaqpaqqa, Cristo Jesuswan ujchakuspa kawsachkaq kapuychis.

¿Imanisuntaq chhikari? ¿Astawanraqchu juchata ruwakuchkasun Diospaq munayninta rikuchikuchkanallampaqri? ¡Manam ajinachu kachkan! Nuqanchisqa juchapaq wañusqañam kapunchis; ¿imaynatataq juchallapi kawsakuchkachuwanri?

Allintam yachankichis imaynatachus uj wasiyuqman qankunaqa imantimpi jaywaqnimpaq jap'ichikunkichis chhikaqa, chay wasiyuqpaq jaywaqninmi kapunkichis pimanchus uyarinkichis. Kayqa ajinam: qankunachus juchaman uyarinkichis chhikaqa, kayqa wañuymanmi pusasunkichis, chaywampas Diosmanchus uyarinkichis chhikaqa, chiqampi kawsakunapaqmi pusasunkichis.

Ñawpaqqa juchapaq jaywaqninmi karqankichis. Chaywampas Diosraykum tukuy sunquwan imatachus yachachichkarqasunkichis chayta uyaripurqankichis. Juchapaq jaywaqninmanta kacharichisqa kapuspataq, qankunaqa chiqan kaypaq jaywaqninman waykupunkichis.