Popular Bible Verses from ROMANOS 8

Share

Yachanchismi, Diosqa payman munakuqkunaman jinataq mayqinkunamanchus payqa imaynatachus yuwachkarqan chaymanjina wajachkan chaykunamanqa tukuy imatapas sumaqpi kanankupaq wakicharisqata churasqanmantaqa.

Allinta yachani, Diospaq munakuyninmantaqa manam imapas apaqachkawasunchu: wañuypas, kawsaypas, angelkunapas, samay atiykunapas jinataq kallpakunapas, kunampachapas jinataq jamuq p'unchakunapas, astawan janaqkaq patapas, astawan ukhukaqpas, jinataq maykaq Diospaq ruwasqankunapas manam apaqayta atichkawasunchu. ¡Diospaq munakuyninmantaqa manam imapas apaqachkawasunchu, mayqintachus Tatanchis Jesucristopi rikuchirqawanchis chay munakuninmantaqa!

Kikillantataqmi Ajayuqa pisi kallpa kayninchispi yuwaywan jap'iqananchispaq yanapachkawanchis. Imaraykuchus manam imaynatachus Diosmanta mañakuna chaytaqa yachachkanchischu, chaywampas kikin Ajayum, willanapaq mana rimarquyta atichkanchis chay rimaykunawan nuqanchismanta Diosman mañakuchkan.

¿Imawampas nichuwanchuri? ¡Dioschu nuqanchismanta sayqatakuqjina kachkan chhikaqa, manam pipas nuqanchispaq sayarikumuchkanmanchu!

Cristo Jesuspi ujchasqa kaqkunapaqqa, manañam kunanqa maykaq juchanchaypas kapunñachu

Pisi kallpa kayninchispi yuwayninkunamanta llakikunaqa wañuymanmi pusan; chaywampas Ajayupi kaqninkunamanta llakikuyqa kawsayman jinataq sumaqpi kaymanmi pusan.

Chaywampas tukuy kaykunamantaqa, pichus munakuchkawanchis chayniqta atipaqpunim lluqsimpunchis.

Rikusqaymanjinaqa, kunan p'unchaykunapi ñak'arisqanchisqa manam imapaschu kachkan, sumaq k'anchaypi athunchasqa kayta jap'iqananchismanta niqtimpasqa.

¿Pitaq Cristopaq munakuyninmanta apaqayta atiwanchismanri? ¿Ñak'ariykunachu, kallpa tukuykunachu, qatiykachachikunachu, yariqay muchuykunachu, mana p'achayuq kaychu, mana allinkunachu manachayqa chhuqrirqusqa wañuychu apaqawachuwanri?

Diostaq, pichus tukuypaq sunqunkunata sumaqta qhawachkan, chaymi Ajayupaq imaniytachus niyta munachkan chayta yachapun. imaraykuchus Ajayuqa ch'uwa llaqtapi kaqkunamantam Diospaq munayninmanjina mañakun.

Tukuy pikunachus Diospaq Ajayunwan pusasqa kanku chaykunaqa, Diospaq wawankunam kanku.

Pikunachus pisi kallpa kayninchismanjina kawsanku chaykunaqa, chaypaq yuwayninmanjinallam puriykachanku; chaywampas pikunachus Ajayumanjina kawsanku chaykunataq, Ajayupaq yuwayninmanjinam puriykachanku.

Dioschu pay kikimpaq Churinta nuqanchisman qunapaq mana “ama” –nispa nirqawanchis, manachayqa nuqanchisrayku wañuyman qurqan chhikaqa, ¿imaynatataq tukuy imatapas Churinwan kuska mana quchkawasunri?

Jinaspataq kay kikin Ajayullataqmi nuqanchispaq ajayunchisman ujchakupun, ajinamanta Diospaq wawankuna kapusqanchismanta sut'inta willamunanchispaq. Paypaq wawankuna kapusqanchismantataq, ima tuti qunapaqchus payqa rimayninta quchkarqawanchis chaytapas jap'iqallasuntaqmi, mayqintachus Cristowan kuska jap'iqasunchis, imaraykuchus paywan kuskam ñak'arinchis ajinamanta sumaq k'anchaynimpi paywan kuskallataq kananchispaq.

Pikunachus pisi kallpa kayninchismanjina puriykachanapaq llakikunku chaykunaqa Diospaq chhiqnikuqninkunam kanku, imaraykuchus manam Diospaq kamachiyninmanjina junt'ayta munachkankuchu manataq atichkankupaschu.

Tukuy kaypachaqa anchatapunim nuqanchispaq Diospaq wawankuna kasqanchismanta Dios sut'impachata rikuchinanta suyachkan.

Yachanchismi, kunankamaqa kaypachaqa wawa unqukuq warmijina qaparichkasqanta jinataq ñak'arichkasqanmantaqa.