Popular Bible Verses from Sykadyipén 14

Share

I me šundjom zan bolybnástyr, saví phendiá: “Začhin: ‘Bahtalé isyn odolé, savé meréna dro jekhipén Devlésa adadyvesestyr!’” “Čačó”, – rakiréla Dúho. “Jone déna ráda te otkinjon pharé butiátyr i léngire réndy džána palál!”

Ĥáda, trej vyrikiriben sventonenge, savé prirakhena Devléskire priphenybená i patiaibén dre Isusóste.

Jov phendiá zoralé zaniása: “Darén Devléstyr, vyphenen sláva Léske! Léskiro mardó (štúnda) te sendiakirél javdiá. Pokloninenpe patyvása Odoléske, Kon sozdyjá bolybén i phuv, i mórjo (derjáv) i paniéngire ĥanyngorjá.”

I tríto Jangólo, savó džálas palál pal lénde, phendiá zoralé zaniása: “Kon kloninelape patyvása riskiribnáskire murdaléske i léskire patriniáke (obrazóske), i priléla špéra pe péskiro čekat ci vast, kodová javéla te p'jel Devléskire-xoliakiri mol, so isyn narozlydžimi paniésa dre kučik Léskire zorjakiri! Kon sozdyjá davá, javéla te menčynelape dre jag i dre siéra (dzevélia) angíl sventoné Jangolende i angíl Sventoné Bakroreste. Thuv (dymo) léngire men'katyr ĥazdélape pe saré viéki. Na javéla ni dyvés, ni rat te otkhinjon odolénge, savé kloninenape patyvása angíl riskiribnáskire murdaléste ci angíl léskiri patrín (óbrazo), i kažnonéske (svakoneske), kon prilyjá špéra léskire lavésa.

I me dykhcjom i, ake, Svénto Bakroró isyn terdó pe bérga Sióno, i sys Lésa šel te štardešá štar tysjoncy manušén, savénde Léskiro lav i Léskire-Dadéskiro lav sys čhindlé pe čekat.

I me dykhcjom javire Jangolós, savó vurnialas vučés dro fáno (vozduho), maškirál bolybén, konéste sys viéčno Jevángielija, sob (kaj) te mištophenel odolénge, savé dživénas pe phuv, kažnoné kheritkoné rodóske i rodycóske i jekhé-čibákire irjáke/sem'iáke (čibake/ čibjake) i kažnoné-manušytkoné nacyjáke.

I javír Jangólo, savó džálas palál pal Pervoneste, phendiá: “Pyjá telé, bari Vavilonija, pyjá telé! Joj paniakirdia saré nácyi péskire-kamibnáskire moliása (vinosa) te kerén zoralés biladžaipén.”