Popular Bible Verses from Sykadyipén 13

Share

Adáj isyn godypén. Konéste isyn péskiri godý, mek jov te vyginel murdaleskiro gin (čyslo): davá isyn manušýtko gin (čyslo), léskiro gin (čyslo) isyn šovšelá šovdešá šov.

I saré, kon dživéla pe phuv, javéna te kloninenpe patyvása dalé riskiribnáskire murdaleske, kon isyn na začhindló dre džiibnáskiri lylvarí, saví isyn Sventoné Bakroreste, Savó sys muliakirdo svetóskire anglypnástyr.

I kadavá javír riskiribnáskiro murdál kerélas adiáke, sob (kaj) saré manušénge, tyknenge i barenge, barvalenge i bogenge, vol'none i pishar'jénge te doresen špéra (znako) pe čačó (pravo) vast ci pe léngiro čekat; sob (kaj) nikón na moginelas te kinel, te biknel apríč odoléste, savéste isyn špéra; ci murdaleskire lavésa ci léskire-lavéskire ginésa (čyslosa).

Konéske trej te lydžál dro pliéno, odová kokoró džála dro pliéno. Kon zamarela kurtalása, odová kokoró javéla zamardo kurtalátyr. Adáj trej vyrikiriben i patiaibén Devléskire manušénge.”

I me sómas terdó pe morjoskiro (derjavéskiro) práho. I me dykhcjom riskiribnáskire murdales (zvierjos), savó ĥazdelaspe morjostyr (derjavestyr), savéste sys eftá šeré i deš šyngá (rógi). Pe kažno léskiro šyng sys diadema, a pe kažno šeró sys lav te kaliakiren Devlés.

I léske sys dynó te džal maribnása pe sventonende i te lel upralypén pe lénde, i léske sys dynó pravo pe kažno ródyco (kolieno) i pe manušýtko nacyja (narodo), i pe kažno jekhé-čibákiri irí/sém'ia (čib), i pe kažno kherítko ródo (pliemjo).

I jov xohavelas odolén, savé dživéna pe phuv kodolenca ĥiertykénca, so léske sys dynó te kerél angíl pervoné-riskiribnáskire murdaléste, rakirí sarénge, kon dživéla pe phuv, te kerén daja partín (óbrazo) adalé murdaleskiri, savéste sys fránso kurtalátyr i savó dživdiá. Adalé javire-riskiribnáskire murdaleske sys dyný zor te del džidó dúho (fáno) dre daja patrín (óbrazo) pervoné murdaleskiri adiáke, sob (kaj) daja patrín (óbrazo) te lel te rakirél i sozdyjá adiáke, sob (kaj) saré, kon na kloninenape patyvása murdaleskire patriniake (obrazoske), te javén muliakirdé.

I riskiribnáskiro murdál, savés me dykhcjom, sys sýrby lieopardo, a ĥerá (piré) sys léste sýrby ričeskire ĥerá, a muj léskiro sys sýrby muj ščereste (lievoste). I drakono dyjá léske péskiri zor i trono i bari zor.

I murdaleskire moske sys dyný vólia te phenél phut'kirdé lavá te kaliakirel Devlés, i léske sys dyný zor te kerél péskiri butý štardešá duj čhoná.

I jekh šeró riskiribnáskire – murdaleskire šerendyr sys xasiakirdo ke meribén, ne davá meribnytko fránso (rana) sys sastiakirdo. I sarí phuv divindiape i gijá pal riskiribnáskire murdaléste. I jone klonindlepe drakonoske, savó dyjá zor riskiribnáskire murdaleske.

I me dykhcjom javire riskiribnáskire murdalés, savó džálas javrí phuvjátyr. Léste sys duj šyngá syr bakroreste i jov rakirdiá syr drakono. I jov kerélas saró pervoné-murdaléskire pravósa. Jov začhuvelas sarí phuv i odolén, savé dživéna pe joi, te kloninenpe patyvása pervoné riskiribnáskire murdaleske, savéste meribnytko fránso sys sastiakirdo.