Popular Bible Verses from Jeriemiéjo 31

Share

Raj Devél sykadyjá Izrailjoske, duripnastyr, i phendiá: “Tu jacián drógo Mánge pe saré viéki, paldavá Me sykadjom túke tangipén (láska).”

Pal-dová so Me dyjom čalés kažnoné khiniakirde diéske, i Me dyjom pherdés te xal kažnoné diéske, so sys dre túga.”

‘Ake, isyn Zaviéto, savó Me sčhuvava Izrailjoskire kheresa i Judejákire kheresa. Pale dolé dyvesá’, – rakiréla Raj Devél’, – ‘Me čhuváva Miro Zakóno andré lénde i Me čhináva davá dro léngire ile, i Me javáva léngiro Devél, i jone javéna Miré manušá. I jone butýr na javéna te sykliakirén, kažno manúš léskire susiedos (kotaris), i kažno manúš léskire pšalés, rakirí: ‘Džinén Ras-Devlés’, – pal-dová so jone džinéna Man: naj tyknestyr ke naj baró’, – rakiréla Raj Devél. ‘Pal-dová so Me otmekáva léngiro čoripén, i Me butýr na javáva te ripirav léngiro grého.’

“I javéna dyvesá’, – rakiréla Raj Devél, – ‘kiéli Me sčhuvava Nevó Zavieto Izrailjoskire kheresa i Judejákire kheresa – ne na kadasavó-pac' zaviéto, savó Me sčhudjom dadénca dro dyvés, kiéli Me lyjom len paló vast te lydžav len Jegiptóskire phuvjátyr, – kodová zaviéto jone phagirdé, na dykhí pe dová, so Me sómas Xuláj vaš lénge’, – rakiréla Raj Devél.