Popular Bible Verses from Isajos 40

Share

Kon khinyja – odoléske Jov déla zor, i kon isyn bizorjákiro – odolés Jov podrikiréla.

I terné čhavé khinjona, xasiakirena zor, i terné manušá peréna. A odová, konéste pe Raste-Devléste isyn nadiéia, priléna neví zor, ĥazdéna phaká (kryly), syr kidy (orly), našéna i na javéna khine, prastána i na khinjona.

Ci tu na džinésa, ci tu na šundián, so viéčno isyn Raj Devél, Savó sozdyjá phuv, nikoli na khinjola, i na našavela zor, ne tu na ĥaljosa Léskiri godý.

Zan, saví godlela pe čhučí phuv: “Kerén drom Ráske-Devléske, kerén pe mal (stiep) mamúj dromá vaš amaré Devléske.

Čar zašutjola, luludí zašutjola, a lav amaré Ráskire-Devléskiro jačélape viéčnes.”

I sykadjola Ráskire-Devléskiro baripén, i kažno loč' (plot') dykhéla zrakhibén Ráskire-Devléskiro, pal-dová, so adiáke phendlé Ráskire-Devléskire uštá.”

Kažno dólo mek te pherdjol, kažno bérga i bérgica mek te perén, dová, so isyn bangó, te jačél roŭno (vórto), i bangé dromá te kerenpe gladkone droménca.

Syr čhupnári Jov rakhéla Péskire bakrén; a bakrorén léla Jov pe vastá i javéla te lydžál pe Péskiro kolýn, i savé déna thud te lydžál.

Ĥazden tumaré jakhá ke vučó bolybén i podykhen? Kon les sozdyjá? Kon vylydžala Péskire čergeniá i ginéla len? Saré čergeniá Jov kharéla pir lav, ničí na xasjola Léste, pal-dová so isyn léste bari zor i zoralypén.

Jov isyn Odová, Kon bešéla uprál pe krenglypen phuvjákiro i pe manušénde, savé pe phuv dživéna, i, savé isyn syr kirme angíl Léste. Jov protyrdyjá bolybén, syr sano pohtan, čhudiá len syr šátra.

Rakirén ke Jerusalimoskiro iló, phenén léske, so pirijaciá léskiro maribén, so na otdelape pale léske pal grého, pal-dová so jov prilyjá Ráskire-Devléskire vastéstyr pal saré gréhi dre duj móly butýr, syr treindiá.

Zan rakiréla: “Phen!” “Ne so mánge te phenáv?” “Kažno loč (plot') – čar, a gožypen lákiro – syr luludí (cveto) feldytko. Čar zašutjola, luludí (cveto) zašutjola, a kóli phurdela pe léste Raj-Devél, adiáke i narodo – jov isyn čar.

Ake, Raj Devél, Devél javéla zorjása i Léskiro vast isyn zorjása. Ake, mazúri (nagrada) Léskiri isyn Lésa, Jov otdéla pale sarénge angíl Péskiro muj.

“Podrikiren, podrikiren dúho (fáno) dro Miro narodo,” – rakiréla tumaró Devél.

Kon vyčhudiá paní péskire vastésa, vygindiá bolybén i práho phuvjákiro, zvažyndia pe ubladýtka (viesy) bérgi i bérgicy pe ubladýtka čaré? Kon ĥalyjá dúho (fáno) Ráskire-Devléskiro, kon podphenelas Léske i sykliakirelas Les? Konéstyr mangéla Jov godypén (sovieto), i kon déla godý Léske, čhuvéla Les po drom čačunó, kon déla Léske džinybén i sykavéla drom, kaj isyn godý.