Popular Bible Verses from Isajos 41

Share

Na dar, pal-dová so Me som túsa: na našadjov dro dúho (fáno), pal-dová so Me som Devél tyró. Me javáva te zorjakirav tut, i, Me podava vast túke, Me podrikirava tut Miré čačipnaskire čačé vastésa.”

Pal-dová so Me, Raj Devél, Devél tyró, javáva te rikirav tut pal čačó vast, i phenáva túke: “Na dar, Me dáva vast (pomoginava) túke.”

Ake, saré, kon gijá xoliása pe túte, javéna ladžakirdé i peréna patyvatyr, javéna syr nisó, i odolé, kon čingardyjape túsa, odolé xasjona.

Tu, konés Me vykedyjom phuvjákire jagorendyr, i konés khardjom Me ke pe samone duratuné šteténdyr, i konéske Me phendjom: ‘Tu san Miro pishári,’ Me vykedyjom tut i na durjakirdjom tut krig.”

Tu javésa te rodes len, i tu na lathesa len, kodolé, savé kamlé te marénpe túsa, savé giné maribnása pe túte – jone javéna syr nisó, syr dová, so butýr na dživéla.

“Na dar, tu san kirmo Jakovóskiro, tumé, nábut, manušále Izrailjoskire! Me podava vast túke”, – rakiréla Raj Devél, i Me som tyró Vykinybnaskiro (Vyrakhibnaskiro), Svénto Izrailjoskiro.

Ne tu, Izrailjo, san Miro pishári, Jakovo, konés Me vykedyjom, Avramos, Miré males (drugos).

Me otkerava réki (leniá) pe čhučé bergicakire vučipená i ĥanyngorja maškír doloskire féldy Me keráva čhučé phuvjátyr ziero (oziero), Me keráva šuké phuvjátyr ĥanyngorja paniésa.

Kiéli čororé i bógi (manušá dre trébima) javéna te rodén paní, i nane paní, i léngire čibá (čibjá) javéna te šutjon trušatyr (smegatyr), to Me, Raj Devél, javáva te šunav len; Me Devél Izrailjoskiro, na mekava len.

Kon sozdyjá i kerdiá saró davá? Kon kharelas ke Pe manušýtka ródy anglypnástyr! Me som Raj Devél, Pérvo, i dre palatuné (posliednia) Me adiáke-pac' Som.”

Me čhuváva te barjol kiedro, akacyja, mirta i olivítko kašt dre čhučí phuv, i Me čhuváva te barjol dre prahitko phuv kipariso, sosna i buko khetané, sob (kaj) jone te dykhén i te dodžinenpe (te ĥaljon), te riskirén péskiro iló i te ĥaljon, so vast Ráskire-Devléskiro sozdyjá davá, i so Svénto Izrailjoskiro sozdyjá davá.