Popular Bible Verses from Ekliesiastos 3

Share

Vaš saró, so kerélape dro davá svéto (lot), isyn péskiro uliago (pora), i isyn časo (cýro) kažnoné rendoske tel kham

i časo te obkošen dová, so isyn počhudo; časo te bijandjon, i časo te merén; te počhuven dre phuv, časo te muliakirén, i časo te sastiakiren; časo te phagiren telé, i časo te ĥazdén kher

časo te tuginen zoralés, i časo te khelen; časo te rovén, i časo te sanpe; časo te oblen, i časo te obrikirenpe oblyibnastyr; časo te čhurdén krig bará: i časo te ukeden bará

časo te riskirén, i časo te syven; časo te javén štyl, i časo te rakirén; časo vaš maribén, i časo vaš ramánjo (miro); časo te sykavén patýv, i časo zoralés te bidykhen.

časo te rodén, i časo te našaven; časo te rakhén, i časo te čhurdén krig

Me džinóm so, sob (kai) Devél te na kerél, davá javéla pe saré viéki. Nisó naštý te dočhuves ke dová, i nisó naštý te otles daléstyr. Devél džinéla te kerél adiáke, sob (kaj) ame te daras angíl Léste.

Me phendjom dro miro iló: “Devél javéla te sendiakirél čačunó i fujé manušén, pal-dová so odój javéla časo vaš kažno vykedyiben i vaš kažno butý.”