Popular Bible Verses from Ekliesiastos 2

Share

Devél déla godypén, i džinybén, i rádyma odolé manušéske, kon isyn lačhó vaš Léske; ne Jov déla butý i grehitkoné manušéske, te skedel i te čhuvél khetané, sob (kaj) jov moginelas te otdél kodoléske, savó isyn lačhó vaš Devléske. Davá isyn adiáke-pac' xarnypén i, sýrby te tradespe pal balvál.

Nane nisó fedýr vaš manušéske, sob (kaj) jov te xal, i te p'jel, i, sob (kaj) léskiro iló te radynélpe zoralés léskire butiátyr. Davá isyn adiáke-pac', me ĥalyjom, Devléskire vastéstyr. Pal-dová so, kon saštý te xal, ci kon saštý te radynélpe butýr bi Léskiro?

Tén'ci me podykhcjom pe saré butiá, so miré vastá kerdé, i pe sarí pharí butý, so me kerdjom pharés, i, čačó, saró isyn xarnypén i, syr te tradespe pal balvál. Na sys kófo tel kham.

I saró, sob (kaj) miré jakhá zoralés te prityrdenpe, me na rikirdjom dre rig péstyr: me na dyjompe pale miré ilésa kažnoné radymátyr, pal-dová so miro iló drieván radyndiape miré pharé butiátyr, i davá isyn mirí bažyn saré miré pharé butiátyr.

I me dykhcjom, so godypén isyn fedýr dylnypnastyr, so dud (svéto) isyn fedýr kalypnástyr (ciamlypnastyr).

Godé manušéste jakhá isyn dro léskiro šeró, ne dylynin'ko psiréla dro ciamlypén; ne me adiáke-pac' kokoró ĥalyjom xor, so jekh kónco (jagóro) užakiréla i jekhés, i javirés.

Isyn manúš, kon kerdiá butý pharés godypnasa, džinybnasa i kerdiá, i jov jačkiréla péskiro mištypén manušéske, savó na kerdiá butý pharés pašýl léste. Davá isyn adiáke-pac' xarnypén i bari bibáht.