Popular Bible Verses from Javír Zakóno 10

Share

I paldavá, Izrailjo, so kaméla tútyr Raj Devél, Devél tyró? Jekh dová, sob (kaj) tu te dares Rástyr-Devléstyr, Devléstyr tyrestyr, sob (kaj) tu te psirés saré Léskire droménca, i te sykavén patýv Léske, i te dynarines Ráske-Devléske, Devléske tyréske, saré tyré iléstyr i saré tyré diestyr, i, sob (kaj) tu te rakhés priphenybená Ráskire-Devléskire i Léskire uphenybená, savé adadyvés rakiráva túke, sob (kaj) túke te javél mištés.

pal-dová so Raj Devél, Devél tumaró, isyn devlengiro Devél, i Raj Baró baré-rangiro, Devél baró, zoraló i darano, Savó na dykhéla pe muiá i na léla dáry

I paldavá občhinen tumaré-iléskire mas pe jagóro (krajo) [paruven iló i godý.-ju.o.], i te na javén tumé butýr pharé-ilytka

Savó déla čačunó séndo pirotoske (sirotaske) i pivliake (udovake), i Savéske isyn dróga manušá, savé javné javire rigátyr, i Jov déla léske maró i uribén.

Jov isyn šaribén tyró i Jov isyn Raj Devél tyró, Savó kerdiá túsa dolé baré i darane réndy, savé dykhné tyré jakhá.

Dar Rástyr-Devléstyr, Devléstyr tyrestyr, i Léske Jekhéske dynarin (služyn), i ke Jov prijač, i Léskire lavésa sovlahá

Ake, Raste-Devléste, tyré Devléste, isyn bolybén i bolybnáskiro bolybén, phuv i saró, so isyn pe láte

Prilén ilésa i tumé manušés, savó ke tumé javéla te dživél: pal-dová so tumé kokoré javné pe Jegiptóskiri phuv.