Popular Bible Verses from Javír Zakóno 11

Share

i sykliakirén lénge péskire čhavén, rakirí pal lénde, kiéli tu san beštó dro tyró kher, i kiéli tu džása dromésa, i kiéli tu pasjosa, i kiéli uštesa

I paldavá čhuvén (prilén) dalé Miré lavá dro tumaró iló i dro tumaró di, i phanden len pe ripiribén pe péskiro vast, i mek te javén jone phandypnasa maškír tumaré jakhá

Kóli tumé javéna te šunén Miré priphenybená, savé Me rakiráva tuménge adadyvés, te rikirén syr Drógima dro tumaró iló Ras-Devlés, Devlés tumares, i te dynarinén Léske saré tumaré iléstyr i saré tumaré diestyr, to Me dáva tumaré phuvjake bryšýnd dre péskiro časo, tasiarluno/pervotuno (rannjo) i koriguno (pozdnjo); i tu skedesa tyró maró i tyrí mol (vino), i jeliejo tyró

I paldavá sykáv patýv Ráske-Devléske, Devléske tyréske, i rakh, so Jov phendiá te rakhés, i uphenybená Léskire i zakóny Léskire i priphenybená Léskire dre saré dyvesá.

Ake, me vyphenava tuménge adadyvés bahtiakiribén i prokošybén: bahtiakiribén, kóli tumé šunéna priphenybená Ráskire-Devléskire, tumaré Devléskire, savé me rakiráva tuménge adadyvés, a prokošybén, kóli tumé na javéna te šunén priphenybená Ráskire-Devléskire, tumaré Devléskire i džána dre rig droméstyr, pal savó rakiráva tuménge adadyvés, i džána palál pal javire devlorende, savén tumé na džinéna.

i čhin len pe tyré-kheréskire kosiaki i pe tyré vudará, sob (kaj) adákicy but te javén tumaré dyvesá i tumaré-čhavéngire dyvesá pe doiá phuv, saví Raj Devél sovlahadiá te del tumaré dadénge, ci but dyvesá bolybén javéla pe phuv.

Rakhénpe, sob (kaj) te na xohavelpe iló tumaró, i tumé te na otdžan dre rig, i te na len te dynarinén javire devlorénge, i te na mangénpe lénge