Popular Bible Verses from 4 Kralip 5

Share

Niejemano, xaladéngiro barydyró ke Sirijákiro králi, sys slavútno manúš péskire xulaste i dre patýv, pal-dová so pirdál léste dyjá Raj Devél Sirijanenge te pirizorjakiren. I adavá manúš sys lačhó xalado, ne sys prokazytko.

I bičhadiá ke jov Jelisiéjo dynarís te phenél: “Džá, obmorpe eftá móly dro Iordáno, i javéna neve masá túte, i tu javésa žužó.”

I gijá jov, i obmordiape dro Iordáno eftá móly, pir Devléskire-manušéskiro lav, i jačné neve léskire masá, syr masá tykné-čhavoreskire, i vyžužakirdiape.

I rosholiasyja Niejemano, i gijá, i phendiá: “Ĥáda, me dumindjom, so jov vydžála, terdjola, i kharéla Ráskire-Devléskiro, péskire Devléskiro lav, i čhuvéla péskiro vast pe dová štéto, i lela krig prokáza.

I podginé léskire pishárja, i rakirdé léske, i phendlé: “Miro dádo, kóli by vari-so glavno phendiá túke proróko, tedy, ci na kerésa by tu? A iščo (inké) butýr, kiéli jov phendiá túke jekh: “Obmorpe i javésa žužó”.”

I phendiá joj péskire xulaniake: “Kóli by miro xuláj te javél ke proróko, savó isyn dre Samárija, tedy jov lela by krig léstyr léskiri prokáza!”