Popular Bible Verses from 4 Kralip 4

Share

I phendiá láke Jelisejo: “So mánge te keráv túke? Phen mánge, so isyn túte dro kher?” Joj phendiá: “Nane pisharicate ničý dro kher, apríč khoró (sasudo) jeliejosa.”

Jekh prorokéngire-čhavengiri džuvlý roibnasa rakirdiá Jelisiejoske: “Pishári tyró, miro rom, myjá. A tu džinésa, so pishári tyró darandyja Rástyr-Devléstyr. Kakaná javdiá lovitko kofari te lel dujén miren čhavén dre pishar'jénde péske.”

I phendiá jov: “Džá, pomang péske khoré pe rig, saré tyré susiedendyr (kotar'jendyr), khoré (sasúdy) čhučé; skéde but.”

I džá, začhakir vudár pal péste i pal tyré čhavénde, i čhuv dre saré dalé khoré; otčhuv pherdé.”

Kiéli pherdiakirde sys khoré, joj phendiá péskire čhavéske: “Pode mánge iščo (inké) khoró.” Jov phendiá láke: “Nane butýr khoré.” I pirijaciá ksil.

I javdiá joi, i rosphendiá Devléskire manušéske. Jov phendiá: “Džá, bikin ksil i zapleskir tyré dlugi; so jačélape, dolesa javésa te dživés tyré čhavénca.”

I gijá léstyr, i začhakirdia vudár pal péste i pal péskire čhavénde. Jone podenas láke, a joj čhuvelas.

I ĥazdyjápe i pasijá pe čhavoreste i čhudiá péskire uštá ke léskire uštá, i péskire jakhá ke léskire jakhá, i péskire vastá ke léskire vastá, i vydind'kirdia masá péskire pe léste, i statija čhavoreskiro trúpo.