Popular Bible Verses from 1 Ian 2

Share

Na den patýv svetoske, i dová, so isyn dro svéto: kon déla patýv svetoske, kodolé manušéske isyn nadrogo Dad: pal-dová so saró, so isyn dro svéto: ločakiro tyrdypén ke grého, grehoskiro kamiben dre jakhá, phut'kiribén péskire džiibnasa, davá saró nane Dadéstyr, a džála svetóstyr.

Svéto prodžála i adiáke-pac' i grehoskire kamibena, ne odová, kon keréla pir Devléskiri vólia, javéla te dživél viéčnes.

Kon rakiréla, so jov dživéla dro jekhipén Devlésa, kodoléske trej adiáke-pac' te dživél syr Xristóso dživdiá.

Čhavorale miré! Me čhináva davá tuménge, sob (kaj) tumé te na kerén grého, i kóli vari-kon keréla grého, aménde isyn Jekh te terdjol pal aménde angíl Dadéste-Isúso Xristóso, Čačipnáskiro

Kon rakiréla: “Me udžindjom Les” i na rakhéla Léskire priphenybená, odová manúš isyn xohaibnari, i nane nisavó čačipén dre léste

I adiáke ame udžinasa, so ame džinása Les, kóli ame rakhasa Léskire priphenybená.

Kon rakiréla, so jov isyn dro dud, a léske isyn nadrogo péskiro pšal, odová isyn iščo (inké) dro kalypén.

Kon xohavela? Adavá isyn odová manúš, kon na priĥaljola, so Isúso isyn Xristóso? Davá isyn antihristo, savó na priĥaljola ni Dadés, ni Čhavés.

Kažno manúš, kon na priĥaljola Čhavés, léste nane i Dadés, a kon priĥaljola Čhavés, odolé manušéste isyn i Dad.