Popular Bible Verses from Ga̱la̱ti̱a̱ 6

Share

Ma arnannu ngati ogonnu zoz ci abunna. Ming emenannu li̱ngli̱ngo̱ne̱ ci Ta̱mu̱ta̱dde̱no̱, amuccu̱ng atin Ta̱mu̱ta̱dde̱n i̱i̱te̱ne̱ ci a̱gga̱ enne.

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

Eelta ol cik anyak no̱ngi̱tto̱n orgene cunno̱ng, ming u̱tu̱gu̱zzu̱ niko, u̱zu̱ttu̱ zin niga lo̱ti̱nno̱k cik Ki̱ri̱sto̱.

Ma anyike e̱e̱t imma ki̱ti̱kttu̱ng tu̱, i̱llo̱i̱ e̱e̱t imma ci alaba Ta̱mu̱ta̱dde̱n. Kazi niko, eci obodak e̱e̱t gi̱i̱ ci u̱tu̱gu̱ enne baize cinne.

Imma e̱e̱ti̱ ci ogon kaal cik gerzek irez zinin cinne, amuda atin enne zoz ci gerze. Ma̱i̱je̱ e̱e̱ti̱ ci ogon kaal Vongize ci Ta̱mu̱ta̱dde̱no̱, amuda atin baiz wa aave udut.

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil. Abunna ming acinni li̱ngli̱ngo̱n cunne ju̱rru̱m, kar zin ruba talninet ci li̱ngli̱ngo̱n neci, ma atubuzi ele cunne ki e̱e̱t imma. Anyik ngengene kuk atin ngu̱me̱ ci Ta̱mu̱ta̱dde̱no̱ ki kaal cik ogon enne manyi.