Popular Bible Verses from Ga̱la̱ti̱a̱ 5

Share

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n, ki gool ci kozozik ol muluwe ci alali, aanyyet kanyait urutoit zoza. I̱llo̱i̱ lo̱ti̱nno̱k cik ongorko ki kaal ne̱ko̱.

Ka̱du̱wa̱kku̱ng abunna ming azunnu Vongiz ci A̱li̱le̱ baize cunno̱ng, kar zin iróng ngen abakku mu̱nye̱ne̱ cik amin zi̱nze̱tti̱ cuggo̱k.

Ming kabak naga Vongize ci A̱li̱le̱ ko̱, abunna zin ming kanu Vongiz ci A̱li̱le̱ baize cinna do̱o̱k.

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

A̱gga̱ ol do̱o̱k baiz ci mu̱nye̱nu̱, i̱ye̱la̱i̱, nogo ciko: A̱li̱ya̱kze̱t (wangi), rotinet ki ngaai, amanik e̱e̱ti̱ ngaa icima ngaa amanik e̱e̱t ci maci, ala e̱e̱ti̱ to̱do̱yyo̱k, owo e̱e̱ti̱ ngarrete, anyak e̱e̱ti̱ mootiz, amarine e̱e̱ti̱ dango, a̱ppwa̱ e̱e̱t zinin kaale cik ollu, adunye zinin ci e̱e̱to̱ ataman, anyak e̱e̱ti̱ meder, irez e̱e̱ti̱ ele cinne do̱, enger e̱e̱ti̱ lo̱o̱c, abak ki ol wak elemi zoz cinne, e̱e̱t ci aarik zinin kaal cik ollu, e̱e̱t ci ibbakce, e̱e̱t ci i̱i̱zo̱ rugumon ci anyak a̱li̱ya̱kze̱t kar ku̱tu̱gu̱zzo̱ kaal cik gerzek. Kobodekku̱ng ki ba̱li̱ye̱ ming ka̱du̱wa̱kku̱ng oowa ke̱, imma ol wak ogon kaal ne̱ko̱ ko̱, iróng atin i̱i̱zo̱ ba̱a̱li̱ne̱t ci Ta̱mu̱ta̱dde̱no̱.

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Ka̱du̱wa̱ zoz necu niko eci baizi ci kabahe Vongize ci Ta̱mu̱ta̱dde̱no̱ ongorko ki baiz ci gerze amin zi̱nze̱tti̱ cigga̱c. Iróng zin niga amudannu gool ci ogonnu kaal cik abunna orongnyu u̱tu̱gu̱zzo̱.

Ming karum lo̱ti̱nno̱k do̱o̱k nga̱to̱de̱, azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱.”

Gerza ming kodong e̱le̱tti̱, icima kanyike e̱e̱t imma kutubur nong. Gerza ming kanyak meder kaale cik ollu.

I̱yo̱ko̱ zin iróng naga ngen kecebje, eci oogawet Ki̱ri̱sto̱ kotozzo labak. Ibilet okkomit kak baize ci a̱tu̱yyu̱ Ye̱su̱, ma ngen a̱mi̱ro̱ni̱kku̱ lo̱ti̱nno̱k wak Musesi, kar izet du̱cca̱k bo̱do̱k ki ba̱li̱ye̱.