Popular Bible Verses from Evesos 1

Share

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno, Korongnyung abunna ming a̱gga̱yyu̱ doiz ci Ta̱mu̱ta̱dde̱no̱ a̱ddi̱ki̱re̱ wa a̱li̱ngli̱ng ngatinna ol wak a̱tu̱ zoz cinne. Doiz neci ele ci a̱li̱ngli̱ng zi̱nze̱tti̱nne̱ cigga̱c, imma doizi ci aave zi̱nze̱tti̱nne̱ cigga̱c ko̱, atubo ki doiz ci bali ingane Ta̱mu̱ta̱dde̱n Ki̱ri̱sto̱ daiza kar kaanyik ka̱vvu̱ a̱tte̱ cinne a̱zzo̱, ta̱mu̱-kenga. Imma nginati, anyak Ki̱ri̱sto̱ doiz ci abale kaal do̱o̱k lo̱o̱ta̱ ngatu ki bo̱do̱k atin ta̱mu̱-kenga.

Atahalait enne agit la̱du̱n baling ngen looci keteehenyai, kar kizet ol cik a̱li̱le̱ ki̱zze̱c mu̱nye̱na̱ ngu̱me̱ cinne kar naga kabait rezinta. Imma rezinte ci irezet enne agit ko̱, aanyet kizet dooli ciginnek ngati Ye̱su̱ Ki̱ri̱sto̱ go̱o̱le̱ ci odola enne kar katal ku̱tu̱gu̱.

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.