Popular Bible Verses from ROM 5

Share

Vae i God u vosangi kwara u lagwa maikita haburu huri lolona hi i kita lo hatiki radu nga, i Kraes mo mate hurikita.

Vake a domida mo tu mo madi lui God, vae tahe maemae tea, huri tigwaravu i God u vosangikita kwara u lagwa haburu maikita. A Tanungwe Kokona hinea i God mo betea lakwakita, aia u tuku vaikita tamo kikilai na nona lagwaana lolo domida.

Vae ne havutikita vake lo noda rongoana hati huri tau kikilai kwara a rongoana hati u vaikita tamo huira, a domida mo bua. Vake a domi bua i God u lagwa luna. Vunu lolona i God mo lagwa maikita mo vai na domida mo tu mo madi luna.

Karea, huri na noda hauhuriana i God mo vaikita tamo bakoto lo nakona. Vae huri hi mo tangwatahakikita mai God lalahi na noda Hugwe* i Jisas Kraes*. Vake kina noda hauhuriana mo lavikita vaki lo tokaana aia hika tamo toka luna, hinea i God mo hago maikita kina nona domi tabetabe lakua. Hika u havutikita huri a domida mo tu lo domidomi hika kwara vae tana hagwe na karekarea noi God lo noda tokaana.

Lolona hi a noda kaihago tikei kwara ne vaikita tana bakoto lo nako i God, i Kraes mo mate kwara ne hago maikita a tangaloi vaivai hati. Mo mate lo taroki bakotoki vohoki hinea i God mo mataia.

Vae huri a dai i Kraes mo huki, i God mo vaikita tamo bakoto lo nakona. Mo matangwasara vakevake kwara huri mo mate, mo vakahikikita, vae i God nehe arekikita tea.

Kina rongo bulabula nona tangaloi katukwale vohoki, u rusa ramo mulemai kina tangaloi vaivai hati. Vae lo halaki hokinia hi, kina rongorongohuri nona tangaloi katukwale vohoki, u rusa ranari mulemai kina tangaloi bakoto lo nako i God.

Vae hete aia hi kehekeheki. U havutikita huri na kinau hinea i God mo vai lalahi na noda Hugwe i Jisas Kraes, hinea mo vaikita hika tamo kwareki a buluana noi God.