Popular Bible Verses from REVELESEN 17

Share

Vae rana vai vuro mana Sivsivi* Kelekele. A Sivsivi Kelekele hi, aia a Hugwe* na hugwe savia, vake aia a Hugwe Lakua koro na hugwe lalakua savia. Aia mana nona tangaloi hinea u kwarera ba u mataira ba, vake aira ramo huria rau karohuri, rana vai vuro mana hugwe lalakua hi hangavulu, rana guira.”

Hikani katukwale tina kaihora tina taetae hi kaibitu ramo kwali na laha kaibitu, mo vanamai mo kwaha maiau. Mo viti “Ko vanamai, vae na vosangiko kina rongoana hati hi hinea a vavine tu huri hala vae ne hagwea. A vavine hi a domianaki kwara a gwatuivanua lakua hinea mo tu garagarani mana kwai rusa.

A boboroa ovi hi komo tagaia, tomua u ahi, vae hika he ahi tea. Vae nehe tuai tea, ne ngwalua tina kwalu bua hinea a kwotoki tikei, vae ne vano ne va magarakiana. A buku katukwale u eno, a hina na tangaloi savia hinea rau ahi, i God u ulira luna. A hina vano hi u ulira tuai ba, a varamana u tikei radu nga. Vae a tangaloi savia lo varamana hinea i God he uli na hinaga te lo buku hi, rana tagai na boboroa ovi hi, vae rana idila haburu, huri hi tomua u ahi, vae hika he ahi tea, vae ne mulemai taliku.

Vunu lo raena a hina katukwale, a leo tavuniki, a domianaki kwara, “A gwatuivanua lakua hi Babilon, a retahi na ravavine tu huri hala savia, vake a retahi na doridori savia hinea rau hati lo varamana.”