Popular Bible Verses from REVELESEN 11

Share

Hikani a kaihora lolo taetae hi kaibituki mo horoki na bulana tavui, vunu a dilao rusa lolo taetae ramo tangi ramo viti “Hikani a mamalukoro na varamana rau eno tavuti na huirana na noda Hugwe i God, vake tavuti na huirana na nona Vurae* hinea u mataia kwara ne kwareki a Hugwe Lakua. Vae aia ne hugwe koro na kinau savia vaki tuai, a gwereki tikei.”

A tangaloi na ureure savia rau vai nakara haburu. Vae hika a taro na nomu lologute u maravuti. Hikani a taro kwara kona kwaheki na doridori na tangaloi hi rau mate. Hikani a taro kwara kona bete na kaitakwe lakwa na nomu tangaloi boloki hinea aira a tangaloi* duruduruki, vake lakwa na nomu tangaloi hinea rau domi mavakinigo, aira hinea a tangaloi lalakua maira hi a tangaloi haro nga. Hikani a taro kwara kona magarakinira hinea ramo toko magaraki na varamana.”

Vae nari hora na nogu tangaloi kairua, hi raru lugwaki na lugwa rau vatukira kina vulu na nani maeto hinea a kaivosangi na mateana. Vae lo rani aira hika u tari vakatukwale eviki vidolua vakairua eviki ngavu kaiono a nogu tangaloi na hagoleo kairua hi vae raru ne duruki na leogu tivarea.”

Vae hikani lo vakatabobo hi i God u vosangia lakweau, nomo taga kwara takuni tina rani kaitolu kaivatiki duviki, i God mo bete mabugaru kwara vae raru ne ahi taliku. Hokinia raru mo maraka raru mo tu. A tangaloi vano hi rau tagairarua, rau mataku haburu.

Raru hago huirana kwara raru ne tu koro lavi na uha, kwara vae lo taro hi raru ne duruki na leo ti God, nehe uha tea. Vake raru hago huirana koro na kwai mauri, kwara rana bohi ki dai. Vake raru hago huirana kwara raru ne lavi na lengeana hati mataroi vanamai, rana magaraki na tangaloi na varamana. A kinau aira vano hi raru ne vai lavira vataha na taroki hokinia raru lengaia kwara raru ne vai luna.

A tangaloi na hagoleo hi kairua i rarua hoki na vikai kairua hi a violev, vunu vake i rarua hoki na laeti kairua hi raru mo toko tu lo nako i God hinea a Hugwe Lakua u hugwe koro na varamana. Diko te tangaloi u vai kwara ne magarakirarua, a kabu ne ngwalua lai tina kwakwagaru ne magaraki na nogaru tavaluivuro. Lo hala hokinia hi, aira hi ramo vai kwara rana magarakirarua, vae rana mate.