Popular Bible Verses from REVELESEN 10

Share

A kaihora tina taetae kaibituki ne horoki na bulana tavui, vae lo taro hi a domiana noi God ne mule luna. A nona domiana hi u vitia ba lakwa na bulana tangaloi boloki, aira hi a tangaloi* duruduruki, vae u eno tavuniki radu nga, vae ne mule luna hika lai nga.”

Hikani nomo rongo na tangaloi mo kwaha maiau mo viti “Kona duruki na leo ti God taliku huri na tangaloi lo ureure rusa, mana tangaloi mataroi, maira hinea rau vanamai lo leo gwatu na rusa, vake mana hugwe lalakua maira.”

Hikani nu tagai na kaihora lolo taetae hinea a nona huirana eia mo hivo tina taetae. A taenalangi ramo kalu korokoroa, vake a nuenue mo hari dalidali na gwatuna. A nakona u kwaka hoki na mataniaho, vake a garuna rau sea hoki na kabu mo luamea bakotoki tagaulu.

Vunu nomo vano vaki mana kaihora tina taetae hi, nomo uduhuri kinia kwara ne bete na buku kelekele hi lakweau. Aia mo viti lakweau kwara, “Ko lavia ko kania. Vae kona rongoa lolo kwakwamu u lulumu hoki na tovu, vunu kona rongo na tagwangimu ne kadiko.” Hikani nomo lavi na buku kelekele hi tina kabana, nomo kania. Nomo rongoa lolo kwakwagu u lulumu hoki na tovu. Vae lolona nomo donomia mo rovo nu rongo a tagwangigu u kadiau kinia.