Popular Bible Verses from SEMIS 3

Share

Vae a doridori na tangaloi hinea u lavi na domidomi sea tina taetae u dolua. Tomuaki a mamaurianana u ngwasara vohoki. Vunu vake aia a tangaloi magemu, u vai tabetabe, u bulubulu karea mana tangaloi, a hahakavina eia. A nona domidomi sea a kwaiki eia. A tangaloi hi u taga kwaheki na doridori na tangaloi lo hala hinea u bakoto, vake he viti te ki ringona vohoki.

Diko te tangaloi eia maikamu hinea rau domidomi sea, diko rau kikikila, u taritarisa kwara rana vosangia tivarea lo bohibohianaga. A doridoriga ne bakoto, rana loliloli evina, vake a domidomiga ne eia.

Lolona a tangaloi hinea rau boloki huri na magemuana rau loliloli lo hala na magemuana, aia hokinia rau rivu biu hinea a kwaiki a tokaana karea.

Diko a tangaloi rau varibuka, a kinau rau kadikadira, rau lengai kwara rana aulu sileti na tangaloi ratuaki, vunu a kinau rahe taritarisa tea lo mamaurianaga savia, vae rau vai na hatiki vatahae.

Tau hariki na Hugwe i God i Tamada kina meada, vunu vake kina mea hi tau tiutangaroa hati kina tangaloi, vae i God u kihi na tangaloi vano hi aira a nununa. A leo na harikiana mana tiutangaroa hati rau vanamai tina kwakwa katukwale hi. Rabela. Hi he taritarisa tea vohoki.

Vae a meada aia hoki na kabu. A mea hi a duvi na tarabehida, vae aia hoki na varamana hinea u kukwere kina hatiki. A leo hinea a meada u viti u magaraki na mamaurianada savia. A meada u lavi na kabu tina kabu na kakadiki, mo toko vai na kabu hi mo kao lo mamaurianada doluaki.

Vae a tangaloi tikei hinea kwara ne vai lai ne vakangwau na meana ne hatu kwahakwaha hati. A leo hinea u vanamai tina meada u hati haburu, tahe tu koro lavia tea. Aia hoki na kinau hati hinea u vai mate tangaloi.

Rabela. He karea tea kwara u rusa tikamu rana kwareki a tangaloi huhui lo kwarelua*. Tulu kikilai kwara lo taro hinea i God ne taga kwaheki na doridori na tangaloi, ne vaia ne madi lakwakami a tangaloi huhui siletia hi ne vai lakwa na tangaloi ratuaki.