Popular Bible Verses from SEMIS 4

Share

Vae huri hi u taritarisa kwara tulu ne hivokikamu tulu ne hugu tavuti i God. Tulu ne tu koro i Setano*, vae ne kwalao tikamu.

Tulu vanamai vaki garagarani mai God, vae aia ne vanamai vaki garagarani maikamu. I kamu a tangaloi vaivai hati, u taritarisa kwara tulu ne sasavula. I kamu hinea a domimiu rau reve lalikikamu, tulu vai na domimiu ne katukwale ne ngwasara.

Tulu hivokikamu lo nako na Hugwe i God, vae aia neri tabe hakekikamu.

Vae i God u hago maikita vakevake kina nona domi tabetabe lakua. Vae huri hi a Uliuli Kokona u viti kwara, “I God u tu korora hinea rau domidomi hakekinira, vae a tangaloi hinea rau hivokinira i God u hago maira kina nona domi tabetabe lakua.”

A tangaloi hinea u kikilai na kinau u karea kwara ne vai, vae he vaia tea, hi u kwareki a nona vaivai hati.

Vunu lolona tulu mo uduhuri a kinau ki God, tulu he lai lavira tea huri a domidomimiu rau hati. Tulu tuku longi na kinau vano hi ti God kwara rana vaikamu kehekeheki tulu ne lagwalagwa.

I kamu hoki na vavine hinea u veveki rera ki tuana ngwarasea mo tiutokakivanua mana ngwera dolua. ?Tulu he kikilai tea kwara a tangaloi hinea u lagwa mana doridori na varamana aia a tavaluivuro noi God? Ihe hi u lengaia kwara ne huri na doridori na varamana u mulemai kina tavalui vuro noi God.

I kamu tulu he kikilai te vohoki kwara a nomiu mauriana vaki na mavuko te kworohokinia. I kamu hoki na vivi hinea u eno kelekele vohoki vunu va titikeiki taliku.