Popular Bible Verses from SEMIS 2

Share

Vae a noda hauhuriana aia hokinia hi. Diko tau hauhuri kehekeheki vae a bolokiki tikei, a noda hauhuriana hi u mate.

A tarabehi hinea a tanungwena tikei u mate. Vae lo hala hokinia hi, a hauhuriana, vae a bolokiki tikei, aia u mate vake.

Rabela. ?Diko te tangaloi u tuku viti kwara u hauhuri lui Kraes* vae he hagohago te mana tangaloi maira, vae a doridorina hi ne hago kworohokinia maia? A nona hauhuriana nehe vakahikinia tea.

I nigo ku hauhuri kwara a God katukwale vohoki. Hi u karea. A tanungwe hati vake rau hauhuri hokinia hi vae a huiga rau rururu kina matakuta.

Vae te tangaloi ne viti kwara, “A tangaloi katukwale u hauhuri, a tangaloi katukwale vake u hagohago mana tangaloi.” U karea, vae diko kona vosangi lakweau kwara kohe hagohago te mana tangaloi aia vae i nigo a tangaloi hauhuri, i nau vae na vosangi lakwako kwara i nau a tangaloi hauhuri kina bohianagu hinea nu tuku hagohago mana tangaloi.

A tangaloi hinea a hahakaviga tikei, lolona i God ne taga kwaheki na doridoriga ne arekinira, nehe hakavira tea. Vae a tangaloi hinea a hahakaviga eia ranahe mataku tea kina arekiana.

Vae huri na kinau vano hi tau viti lai kwara i God u vai na tangaloi u bakoto lo nakona huri na bohiana nona tangaloi hi, hete huri na nona hauhuriana kehekeheki.

?Kohe tagaia tea kwara a nona hauhuriana mana bohianana raru vano tabulutaki? A bohianana u vai na nona hauhuriana mo bakoto vohoki.