Popular Bible Verses from PAKI TEA NI ROMA 15

Share

Ma Sup̃e ni naleogoroana ega vakavuro mu ki sara nalaelaeaana go natam̃ateana ragi waina ku do saralomau, naga kuga veani p̃arua ki naleogoroana doko nakasuaana ki Naatana Tapu.

Nalakena tea maga waina eu pei tea midiriana sala vea eu pei tea midiriana raki navasapiseiki‐gida‐ana, naga tuga veani naleogoroana pae nasokiana go pae navakavakaleana ni navasaana midiriana maga.

Ma Sup̃e ni nasokiana go ni navakavakaleana ega tua mu naga kuga midoaki tea sikai maau dum̃amu sikoti mu, ega vae Kristo Yesu: naga kuga samasamani ki p̃op̃o sikai maau go ki nawoka sikai maau Sup̃e go Tama ni Nawota anigida Yesu Kristo.

Nalakena tea wanogoe kuga tum̃amu piragi soki mu, ega tapala waina Kristo ma e piragi soki mu, paki nasamasamani‐Sup̃e‐ana.

Sara naata kakagida euga mari tea waina tea ni m̃aladigi ki da eu midoaki m̃ata ki nia raki tea waina e p̃ia, paki natavagiana.