Popular Bible Verses from PAKI TEA NI ROMA 14

Share

nalakena namarakiana ki Sup̃e e da pei nakaniana go namunuana mau, ma e pei namarinaleoleanaana go natam̃ateana go nalaelaeaana doko Naatana Tapu. Nalakena tea waina e magi Kristo suasua tea wanogoe e pei tea midoakim̃atakiana ki Sup̃e, go tea maridogopiragiana ki naatam̃oli maga.

Nalakena tu pe mauri, tu magi Nawota mauri; kite tu pe mate tu magi Nawota mate: nalakena tea wanogoe tu pe mauri, kite tu pe mate, tu pei tea ki Nawota.

Nalakena tea wanogoe tuga sava dausi naleo maga ni natam̃ateana, go naleo maga ni natavagiana dum̃agida paki gida.

Nalakena tea wanogoe tuga ta moro dum̃agida pasa p̃otae gida mau: ma kuga vasa p̃otae tea waia, naga te naata sikai ega ta doropusi tea tapilagonaana sikai narae ni taina mau, kite tea waina ega rowo asa.

Nalakena e pei tea midiriana, e naga, Kinau a mauri, Yehovah e noa e, sara nap̃atua euga wo ditip̃atua paki nau, Go sara namena euga wo pasadodom̃ata ki Sup̃e. Nalakena tea wanogoe sara naata kakagida euga wo dum̃ada atusi ra paki Sup̃e.

Ma tea waina e manainai nasaralomauana kuga viragi soki a, masale ki namidoakip̃otaeana maga ni namidodoana maga.

Nigo ku pei sei waina ku pasa p̃otae tea suasua ki tea p̃ota? E magi nawota aneana lawodu kite e dowo. Ma ega wo pei tea silaeana ega lawodu; nalakena Nawota e mari atae mari a ega lawodu.