Popular Bible Verses from KI YAKOBO 4

Share

Nalakena tea wanogoe kuga toko etano paki Sup̃e; ma kuga lawodugoro diabolo, go ega wo sava dua ki mu pano.

Kuga umai paki m̃aladigi ki Sup̃e, go ega wo umai paki m̃aladigi ki mu. Kuga vavano, tea mari naleo sa maga; go kuga mari nap̃op̃omu euga tautau, tea p̃op̃o rua maga.

Kuga tum̃amu doro mu pakitano namata ni Yehovah, go nae ega wo sike mu pakilagi.

Ma e do pitua ki nasaup̃iaana warua liu. Nalakena tea wanogoe e naga, Sup̃e e do dugoro tea leomadaga maga, ma e do dua tea vakitano maga nasaup̃iaana.

Nalakena tea wanogoe naata waina e atae naga ega mari p̃ia, go waina e da mari a mau, e pei tea mari naleo sa asa.

Ku do datago, go ku da dape mau, nalakena ku do datago sa, naga kuga sori a dua namasauana sa animu maga.

Tea maripele nagoroi maga, ku da atae naga nadodomi‐maramana‐ana e pei navilosi‐Sup̃e‐ana kite? Nalakena tea wanogoe naata waina e pe masauna naga ega vei tea dodomi maramana e dum̃ana mari a e pei tea vilosi Sup̃e.

ma ku da atae tea ni matamai mau. Namauriana animu e pei nasava? Nalakena ku pei namavu sikai, waina e pakilina ragi kiki, go edaku ki tea wanogoe e puoli.