Popular Bible Verses from KI YAKOBO 3

Share

Ma namanumatuaana waina e pae elagi umai e pea dautau, edaku ki tea wanogoe e doko dam̃ate, tea marimatemate, tea vasadieana wia, e pura ki nadodomiana go ki nawa wia maga, tea ta marip̃otawotae mau, tea ta pei nakalep̃o mau.

Sei e manumatua po midoaki atae m̃aleoputo kakamu? Ega viseiki m̃elu natomariana wia aneana nawosiana aneana maga doko namatemateana ni namanumatuaana.

Ma nawa ni namarinaleoleanaana e magi tea maga waina eu mari natam̃ateana pei tea sapurakiana doko natam̃ateana.

Nalakena tokora waina naroitoiana go namariputuakiana ero doko asa, tokora wanogoe napariana go sara namariana loa eu doko asa.

Tu pasa p̃ia ki Sup̃e Tamagida asa; go tu pasa sa ki naatam̃oli asa, waina eu pei tea mariana eu dapala natakiusiana ni Sup̃e; navasap̃iakiana go navasasakiana ero m̃elu nawoka sikai maau umai. Taigu maga, e da p̃ia mau naga ega tapala nogoe.

Go namena e pei nakapu vavaga sikai, e pei maramana ni namarinaleotageleana: namena waina e doko m̃aleoputo ni naleo kakagida maga, e pei tea waina e do mari nap̃atokogida mamau e loa, po do dokoni tea taliepu ni navakilinaana e soro, po pei tea tokoniana e soro pae p̃okasi.

ma namena te naatam̃oli e da mari atae mari a ega matemate mau; e pei tea sa waina e da matadorogo mau, e pura ki poseni.

Kuga ta pei tea vasa piseiki laapa mau, taigu maga, ku atae naga tuga wo dape navasap̃otaeana warua liu.