Popular Bible Verses from EKSODAS 3

Share

Go Sup̃e e noa ki Moses, e naga, A DOKO WAINA A DOKO: go e naga, P̃a wo noa ki Israel natuna maga ega tapala waia, p̃a naga, A DOKO e po dip̃aki lua au umai punusi mu.

Go e naga, Nalakena aga wo sikoti ko doko; go tea waia ega wo manigo pei navaivaiana, naga kinau a po dip̃aki lua ko: ragi waina p̃a wo piragi lua sua narei m̃elu dua ki Ityipt umai, kuga wo magi Sup̃e suasua tava waia.

Go e naga, Kinau nea. Go e naga, P̃a ta umai paki m̃aladigi mau: p̃a sawo lua nam̃elevasiana anigo maga ki nam̃elem̃a maga, nalakena tokora waina ku lawodu asa e pei natano tapu.

Go Yehovah e naga, A punusi lomau ki narogokitesaana ki narei aginau waina eu doko Ityipt doko, go a dogo nakuapioso‐ana adeada nalakena tea suatoro ki da maga; nalakena a atae nasusueana adeada maga; Go a po siwo umai naga aga vualua ra m̃elu dua ki nam̃elearu ni naka ni Ityipt, go naga aga viragi lua ra m̃elu dua ki navanua wanogoe sake umai paki navanua wia go warua, paki navanua waina e sara ki milk go honi; paki tokora ki naworawora ni Kanaan, go ki naworawora ni Heth, go ki naworawora ni Amor, go ki naworawora ni Peris, go ki naworawora ni Hivah, go ki naworawora ni Yebus.

Go agelo ki Yehovah e pakilina ki nia mena ni nakapu pae m̃aleoputo ni nakau makalikali sikai: go e leo punusi, go p̃a leo, nakau makalikali wanogoe e pavaga ki nakapu, go nakau makalikali wanogoe e da pei tea kaniana mau.

Go ragi waia, p̃a umai go aga wo dip̃aki lua ko pa punusi Faraoh, naga p̃a viragi lua narei aginau Israel natuna maga euga m̃elu dua ki Ityipt umai.